Лёс Анатоля Сыса як адлюстраванне лёсу краіны

Паэт Анатоль Сыс ужо пры жыцці зрабіўся жывою легендаю. Сваім духоўным бацькам ён лічыў Янку Купалу, а братам па крыві – Максіма Багдановіча. Гэтак піша Эдуард Акулін. У чым феномен Анатоля Сыса, дзе карані ягонага таленту, і як яго сёння памятаюць?

Жыццё Анатоля Сыса (1959–2005) было кароткае. Але яму хапіла часу напісаць тое важнае, што абяссмерціла ягонае імя і паставіла ў адзін шэраг з беларускімі паэтамі першай велічыні. Росквіт ягоных творчых сілаў прыпаў на пералом 1980–1990-х гадоў, калі ў беларускім паветры веяў водар зменаў да лепшага. Але гэты час мінуў, і Анатоль Сыс зрабіўся зусім іншым чалавекам – быццам нешта зламалася. Ранейшы паэт, прыгожа адзеты, які ніколі не ўжываў лаянкі, кінуў пісаць і ператварыўся ў эксцэнтрычнага і эпатажнага чалавека.

Доктар гістарычных навук Аляксандр Краўцэвіч пабываў у роднай вёсцы Анатоля Сыса, у Гарошкаве, каб паказаць малую радзіму паэта і пагаварыць з ягонай сястрою Тамараю. Сваімі ўспамінамі падзеліцца і паэт, аўтар прадмовы да амаль поўнага збору твораў Анатоля Сыса «Лён», Міхась Скобла.

Адно з важных для Анатоля Сыса месцаў – старажытнае гарадзішча, адкрытае ля Гарошкава. У свой час ён абараніў яго ад разбурэння. У Гарошкаве і цяпер ідуць археалагічныя раскопкі, якія маюць на мэце даследаванне Зарубінецкай археалагічнай культуры. Адно з выданняў праграмы «Загадкі беларускай гісторыі» прысвечана ім.

Гарошкаў пад Рэчыцай. Адсюль пайшлі славяне

Праграма «Загадкі беларускай гісторыі» выходзіць на «Белсаце» кожны панядзелак а 18:45. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.

Больш матэрыялаў

Хто скасаваў ордэн імя Каліноўскага?

Аўтар эталону гербу Пагоня спачывае тут

Навошта і як збудавалі Аўгустоўскі канал

Вусная гісторыя супраць савецкай прапаганды. Праўда простых людзей

Ідэальнае месца для фестываляў сярэднявечнае культуры

Мультыкультурны Менск пачатку ХХ стагоддзя – калыска геніяў

Гісторык, які абгрунтаваў права беларусаў на сваю дзяржаву

Яны спрабавалі стварыць новае ВКЛ на пачатку ХХ ст.