Курапаты: Барацьба жывых з мёртвымі

Новы выпуск ток-шоу «Кожны з нас» прысвечаны абмеркаванню сённяшняй сітуацыі ва ўрочышчы Курапаты. А таксама – развейванню міфаў пра колькасць расстраляных там людзей.

Абаронцы Курапатаў Зміцер Дашкевіч і Ганна Шапуцька разважаюць на тэму, што рабіць у сітуацыі поўнай бездапаможнасці, калі ўлады выкарчоўваюць крыжы і дазваляюць забаўляцца ў рэстаране ў дзясятках метраў ад мемарыяла. Гісторык Ігар Кузняцоў тлумачыць, што савецкія архівы па-ранейшаму закрытыя, хоць нават следчыя органы пагадзіліся з лічбай у 30 тыс. расстраляных. Кузняцоў абгрунтоўвае, чаму колькасць ахвяраў можа дасягаць 100 тысяч. У той жа час па пытанні выказваецца археолаг Алег Іоў, які непасрэдна раскопваў Курапаты. Ён сцвярджае, што ў Курапатах расстрэльвалі не нацысты, а выключна каты сталінскай эпохі.

У выпуску абмяркоўваецца і так званы рэстаран на касцях. За час яго функцыянавання абаронцы Курапатаў атрымалі больш за 1000 штрафаў і адсядзелі сотні сутак у ізалятарах.

Ток-шоу «Кожны з нас» выходзіць кожную пятніцу а 18:35. Глядзіце праз спадарожнік «Астра 4A» (ранейшая назва «Sirius 4»), онлайн, на YouTube-канале «Белсат без палітыкі» і на нашай старонцы.

Больш матэрыялаў

Да чаго прывядзе рэвалюцыя пад бел-чырвона-белымі колерамі?

«Таго, што не дыхаў, выкінулі з аўтазака». Сведчанні ахвяраў гвалту

Планы Расеі: зрынуць Лукашэнку ці захаваць яго любой цаной?

«Калі дыктатару няма чым плаціць арміі, яна разварочвае штыкі ў ягоны бок»

«Я пабачыла тое, чаго ніколі не чакала ў медыцыне». Што адбываецца за дзвярыма больніцаў?

Не важна, чым скончацца выбары. Самае цікавае пачнецца пасля іх

«Прадай кватэру і на гэтыя грошы купі дзве». Ці варта рызыкаваць падчас крызісу?

Вялікая Айчынная вайна – прапагандысцкі міф ці нагода для гонару?