Што было паміж Янкам Купалам і грузінкаю Эліко Мэтэхэлі, якой ён прысвяціў верш «Генацвале»?
Каб разабрацца ў гэтым, здымачная група праграмы «Беларускаі свет» выправілася ў некалі вядомы на ўвесь Савецкі Саюз курортны горад Цхалтубо, дзе любіў адпачываць і беларускі класік. Там яны сустрэлася з унучкаю Эліко Мэтэхэлі.
Іншыя тэмы праграмы «Беларускі свет»:
Як беларусу знайсці працу ў Берліне
Андрэй і Ганна Шчарбовічы – беларуска-расейскае сужэнства, якіх у Берліне шмат.
Ён працуе праграмістам, яна часова спыніла працу, каб даглядаць дваіх сыноў. Больш пра жыццё і працу звычайнага беларуса ў нямецкай сталіцы – у рэпартажы.
Жыццё беларускага эмігранта ў Чэхіі
Дзяніс Ламейка жыве ў Чэхіі больш за адзінаццаць гадоў. І мяркуе, што не змарнаваў гэтага часу.
Некалі ён хацеў бы вярнуцца на радзіму, цяпер з розных прычынаў лічыць гэта немагчымым. Распавядаем пра тое, як Дзяніс адаптаваўся да жыцця за мяжою.
