Гарачы каментар Ігар Тышкевіч: Кіеў разумее, што называць Лукашэнку сябрам не выпадае


Аналітык Украінскага інстытуту будучыні пракаментаваў перспектывы развіцця дачыненняў паміж Менскам ды Кіевам.

Сімвалічная сустрэча. Аляксандр Лукашэнка працягвае руку Кіеву. Чарнобыльскую АЭС кіраўнікі абедзвюх краінаў наведаюць ужо заўтра – у дзень гадавіны аварыі. Запланаваныя і перамовы Лукашэнкі з Парашэнкам.

Сярод планаў – наведаць не толькі АЭС, але і размешчаныя побач аб’екты. Галоўнай будзе ўвага да пытанняў радыяцыйнае бяспекі, што мае прынцыповае значэнне для жыхароў па абодва бакі мяжы. Таксама кіраўнікі маюць азнаёміцца з якасцю новага ахоўнага збудавання рэактара, захоўваннем адпрацаванага паліва і возьмуць удзел ва ўрачыстасцях ушанавання памяці ліквідатараў і пацярпелых. Запланаваныя на заўтра і перамовы Парашэнкі з Лукашэнкам, але ўжо ў Беларусі. У «Гарачым каментары» – аналітык Украінскага інстытуту будучыні Ігар Тышкевіч.

«У Кіеве цудоўна разумеюць, што сябрам называць Лукашэнку неяк не выпадае. Таксама пачалі разумець, што адзінае, на што падкі Лукашэнка, гэта на выгаду. І на сёння Украіна спрабуе Беларусь зацікавіць. З іншага боку Беларусь кантралюе некалькі стратэгічных галінаў ва Украіне, і Кіеў вельмі моцна залежыць ад Беларусі. Самы просты прыклад – той жа самы рынак нафтапрадуктаў», – заўважыў Ігар Тышкевіч.

Больш – у відэа вышэй.

Глядзіце таксама:

Глядзі таксама
Каментары