Грэчка на 18 %, яблыкі на 45 %. Як жыць, калі ўсё даражэе?

Дзяржаўныя статыстыкі штомесяц публікуюць Індэкс спажывецкіх коштаў – папросту кажучы, распавядаюць, наколькі ўсё падаражэла. За апошні, год, напрыклад, на меркаванне чыноўнікаў, кошты выраслі на 5 %. А на меркаванне простых людзей? Ды што рабіць, калі кошты паўзуць уверх? Зараз разбярэмся.

Інфляцыя ў бедных людзей адрозніваецца ад сярэдняй амаль удвая. Сацыяльна значныя тавары падаражэлі за год у сярэднім на 9–10 %, а некаторыя і больш. Напрыклад, рыбныя паўфабрыкаты – на 12–13 %, грэцкія крупы – на 18 %, а яблыкі – на 45 %.

Спадарыня Ірына згадвае час, калі на 100 рублёў можна было напоўніць ежаю лядоўню. Цяпер гэтак ужо не атрымліваецца. На сям’ю з трох чалавек сыходзіць мінімум 400 рублёў на месяц.

«Калі я сыходзіла ў дэкрэтны, простая маечка для дзіцёнка каштавала ад 5 рублёў. Цяпер яна каштуе мінімум 15», – абураецца маладая маці Ірына Хоціна.

Эксперымент Белсату: параўноўваем кошты на ежу ў Літве і Беларусі

Сярэдні беларус асноўную частку заробку выдаткоўвае на ежу. Паводле афіцыйнай статыстыкі, гэта каля 40 %, а згодна з назіраннямі незалежных экспертаў – 40–80 %, у залежнасці ад дабрабыту канкрэтнага чалавека. Таму рост коштаў на прадукты заўважаюць усе, а рост коштаў на адзенне ці абутак – далёка не кожны.

Калі харчы даражэюць, тыповая стратэгія паводзінаў – пачаць на іх ашчаджаць. Але ашчаджаць можна па-рознаму. Набіраць больш танных сасісак – або таннейшых крупаў. І для гаманца і для здароўя крупы карыснейшыя. Эксперты таксама не раяць набываць прадуктаў у кулінарыі – здаецца, што адна катлета каштуе танна, але за кошт двух-трох ужо можна згатаваць дома вячэру на два дні.

«Нашыя грошы ідуць на падтрыманне бягучай жыццядзейнасці, – распавядае фінансавая кансультантка Святлана Мурашка, – але мы зусім не інвестуем у будучыню – гэта адукацыя. І зусім не ўкладваемся ў сваю энергію жыцця, яркасць жыцця – гэта адпачынак і забавы».

Найхутчэй у Беларусі даражэе самае патрэбнае

На адукацыю беларусы выдаткоўваюць у сярэднім усяго каля 1 % прыбыткаў, а на адпачынак – каля 5 %. Затое 5,5 % – на алкаголь і тытунь. Але каб зарабляць больш, варта інвеставаць у адукацыю. Нават прыбіральнік, што ведае, як працаваць з машынамі для мыцця падлогі ці здзімання лісця, будзе зарабляць больш за прыбіральніка, які бачыў толькі дзяркач.

У сітуацыі, калі прадукты штогод даражэюць на 5 %, а некаторыя – на 45 %, ашчаджанне – шлях у галечу. Бо ашчаджаць бясконца – немагчыма. Пачніце весці хаця б самы просты ўлік фінансаў – гэтак вы зразумееце, куды сыходзяць грошы. Укладайцеся ў адукацыю ў сваёй прафесіі або паспрабуйце змяніць сферу – гэта дапаможа павысіць заробак. Ашчаджайце на дарагой і шкоднай ежы – гэтак адначасова вы ашчадзіце на леках.

Зазірнулі ў кішэні дэпутатаў. За што такія заробкі?

Таксама ў праграме «Асабісты капітал»:

Глядзіце праграму «Асабісты капітал» кожны панядзелак а 19:00 на тэлеканале «Белсат», а таксама онлайн на нашым сайце. Далучайцеся да нашых старонак ў Facebook ды Одноклассниках. Падпісвайцеся на нашурассылку і раз на месяц вы будзеце атрымліваць ліст з чатырма найбольш карыснымі сюжэтамі «Асабістага капіталу».

Больш матэрыялаў

У Беларусі патрэбны цэнтр для крызісных сітуацыяў

«Беларусь паступова ператворыцца ў Прыднястроўе». Што выратуе эканоміку?

Колькі плацяць беларусы за міліцэйскі гвалт?


Грошы скончыліся. Як выжыць без іх?

«Каму гэтая інфармацыя што дасць?» Як ад беларусаў хаваюць сапраўдны маштаб эпідэміі

Грошы на чужой бядзе. Хто нажываецца на эпідэміі?

Новая нармальнасць. Якой будзе Беларусь пасля пандэміі?

Каронакрызіс. Параўналі дзяржаўную дапамогу ў Беларусі ды іншых краінах