Эканоміка расце, а беларусы бяднеюць. Як такое магчыма?

Сёлета беларускі валавы ўнутраны прадукт (ВУП) вырас на 1,6%, паведамляюць нацыянальныя статыстыкі. Але просты беларус з таго росту мала што атрымаў.

Усе таму, што ў ВУП улічваецца ўся нацыянальная дзейнасць: і заводаў, што трактароў выпусцілі і нікому не прадалі, і калгасаў, у якіх ураджай з’явіўся – і згніў. Ды і раслі найхутчэй тыя галіны гаспадаркі, якім ужо даўным-даўно трэба было вырасці.

«Найхутчэй расла апрацоўчая прамысловасць. Але зарплаты найхутчэй раслі зусім не ў ёй. Рост у энергетыцы, забеспячэнні гарачай вадою і параю таксама вялікі, але мяне ён зусім не радуе. Бо жывем не ў XIX стагоддзі. Японцы на рубель экспарту энергіі ў 12 разоў менш за нас спажываюць і не бядуюць», – дадае эксперт «Асабістага капіталу» Міхал Залескі.

А вось будаўніцтва загінаецца: – 7,7% да адпаведнага перыяду мінулага году. Скараціўся ВУП і ў сферах водазабеспячэння, каналізацыі ды вывазу смецця. А чаму ў гэтых сферах росту не назіраецца? Бо тут рост залежыць не ад дзяржаўных датацыяў, а ад прыбыткаў простых людзей – будуюцца, напрыклад, толькі калі на ўсё хапае і на новае жыллё застаецца.

Слабеюць, да таго ж, Магілёўская і Віцебская вобласці.

«Хранічны заняпад рэгіёнаў – лепшая ілюстрацыя гаспадарчага і палітычнага таленту кіраўніцтва краіны», – адзначае Міхал Залескі.

Пра ўсе наступствы «росту» дзеля статыстыкі, а не дзеля дабрабыту глядзіце ў сюжэце праграмы «Асабісты капітал№ (відэа вышэй).

Падпісвайся на telegram Белсату

Больш матэрыялаў

У Беларусі патрэбны цэнтр для крызісных сітуацыяў

«Беларусь паступова ператворыцца ў Прыднястроўе». Што выратуе эканоміку?

Колькі плацяць беларусы за міліцэйскі гвалт?


Грошы скончыліся. Як выжыць без іх?

«Каму гэтая інфармацыя што дасць?» Як ад беларусаў хаваюць сапраўдны маштаб эпідэміі

Грошы на чужой бядзе. Хто нажываецца на эпідэміі?

Новая нармальнасць. Якой будзе Беларусь пасля пандэміі?

Каронакрызіс. Параўналі дзяржаўную дапамогу ў Беларусі ды іншых краінах