Дзе сацыяльная дзяржава? Тых, хто патрабуе дапамогі, ратуюць валанцёры

У Смалявічах дзейнічае арганізацыя, дзякуючы якой алкаголікі ды наркаспажыўцы бавяць вольны час, робячы на продаж дзіцячыя цацкі, а не змагаючыся са спакусаю вярнуцца да шкоднай звычкі. Усе ўдзельнікі майстэрні, у тым ліку яе кіраўнік, – былыя залежныя людзі. За прададзеныя цацкі яны атрымліваюць грошы.

Пошукавы атрад «Анёл» за сваю дапамогу грошай не бярэ, таму сродкі – вечная праблема, бо трэба набываць дарагое абсталяванне. Камандзір атраду Сяргей Коўтун цешыцца, нават калі на 100 дасланых на прадпрыемствы і ў фірмы лістоў атрымае 4 адказы. Чаму такія праекты не падтрымлівае дзяржава? На пытанне ў студыі «Кожны з нас» адкажа дэпутат Палаты прадстаўнікоў, вярхоўны атаман РГА «Беларускае казацтва» Мікалай Улаховіч.

Яшчэ адна праблема: бесхацінцы. Вядома, для шмат каго з іх гэта – стыль жыцця, які яны не хочуць змяняць. Але ёсць і такія, для каго займець дах над галавою – мара. Вадзіма Цяраева ў Берасці падкормліваюць жыхары шматпавярховіка, побач з якім ён спіць на вуліцы апошнія 10 гадоў. Ягоны «стаж» пад адкрытым небам – амаль удвая большы. На двары ён не стварае праблемаў і нават штодня засцілае свой «ложак». Неабыякавыя берасцейцы нават званілі на тэлефонную лінію са старшынём аблвыканкама Анатолем Лісам. Але ў яго да вырашэння праблемы рукі гэтак і не дайшлі. Новы дом Вадзіму знайшлі аўтары праграмы «Кожны з нас» – падчас эфіру праграмы.

Чаму сацыяльная дзяржава не спраўляецца з праблемамі і вырашаць іх мусяць валанцёры? Адказаў у студыі разам з Сяргеем Коўтунам ды Мікалаем Улаховічам шукаюць блогер Антон Матолька, старшыня грамадскага абʼяднання «Здаровы выбар» Уладзіслаў Каўроў, каардынатар сацыяльнай майстэрні Віталь Зубок ды іншыя. Глядзіце відэа!

Падпісвайся на telegram Белсату

Больш матэрыялаў

Пры ўсёй нябачнасці пратэстаў супраціў не меншае, а толькі расце

«Выбары сфальсіфікаваныя. І што?» Скандальны выпуск ток-шоу «Кожны з нас»

Замах на Лукашэнку можа рыхтаваць толькі Расея

Літоўцы б’юць трывогу. Ці можа АЭС у Астраўцы паўтарыць лёс Чарнобылю?

Як у Кітаі: Лукашэнка рыхтуе сабе пажыццёвае месца ва ўладзе

Стварэнне новай партыі «Разам» расколвае і дэкансалідуе дэмакратычныя сілы?

Ці вядуць перамовы Захад і РФ пра лёс Лукашэнкі?

Якія памылкі часу БНР трэба ўлічваць сёння