Дуэт «Арыстакратычная бледнасць» паказаў, як лупіць трасянкай

Пра родную трасяначку, ад каторай пачынаецца шлях да мовы, зборнік бабуліных песень, дзеда, што спяваў для Шаляпіна, дыялектныя словы «цурок» ды «сцулёк», а таксама пра звышдзейсны стымул для вывучэння беларускай мовы распавядаюць вясёлыя ды абаяльныя Вольга Барышнікава ды Алеся Селядцова.

Вольга Барышнікава і Алеся Селядцова стварылі дуэт «Арыстакратычная бледнасць». Яны пішуць і выконваюць прыпеўкі пра рэзанансныя падзеі ў Беларусі, напрыклад, пра «таемную» інаўгурацыю Аляксандра Лукашэнкі, запуск БелАЭС і г.д.

Ёсць у іх здабытку і іншыя праекты. Напрыклад, Вольга Барышнікава запісала альбом «Бабуліны песні», каб захаваць спеўную спадчыну сваёй бабулі.

У граматычнай частцы абмяркуем, ці слушна казаць «Божа, блаславі Беларусь» і як правільна ўжываць словы «спадар» ды «спадарыня» пры звароце да чалавека.

Вядоўцы перадачы – Глеб Лабадзенка і Алеся Літвіноўская.

прыпеўка – рус. частушка

суполка – рус. сообщество

кіраваць – рус. управлять

запрашаць – рус. приглашать

рэагаваць – рус. реагировать

гаспадар – рус. хозяин

нашчадак – рус. потомок

паўночна-ўсходні – рус. северо-восточный

крыніца – рус. источник

удасканальваць – рус. совершенствовать

спадзявацца – рус. надеяться

сорамна – рус. стыдно

благі = дрэнны

павага – рус. уважение

стаўленне – рус. отношение

Адукацыйную праграму «Мова Нанова» глядзіце кожную нядзелю а 20:20 на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн або ў закладцы «Праграмы» на нашай старонцы.