Ніколі ў апошнія гады пытанні медыцыны і біяэтыкі не стаялі гэтак востра, як у разгар пандэміі каронавіруса.
Між тым, менавіта праз небяспеку заражэння ў Беларусі быў адменены форум, на якім навукоўцы з розных галінаў меліся абмеркаваць актуальныя пытанні біяэтыкі. Арганізатарка форуму Таццяна Вадалажская ў «Размове» Уладзіміра Мацкевіча распавядае, што магло б прагучаць на сустрэчы, і робіць прагнозы адносна таго, якім будзе цывілізаваны сусвет пасля пандэміі каронавіруса.
«Дылема паміж індывідуальнай аўтаноміяй чалавека і магчымасцю прымаць рашэнні ды сацыяльнай ці грамадскай бяспекай. Мы не абмяжоўваем свабоду аднаго чалавека, які ў прынцыпе гатовы рызыкаваць сваім жыццём, ці мы абмяжоўваем яго і кажам, што гэта будзе больш бяспечна ў грамадскім сэнсе? І я думаю, што гэтыя пытанні стануць аднымі з найбольш вострых», – выказалася госця ў эфіры «Размовы».
Пра вострыя тэмы біяэтыкі ў эфіры «Размовы» гутарку вядуць Уладзімір Мацкевіч і сацыёлаг, адна з заснавальніц «Лятучага ўніверсітэту» Таццяна Вадалажская.
Спецыяльна для тых, каму зручней слухаць, а не глядзець, «Размова» запусціла падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас:
