Якім чынам Аляксандр Лукашэнка збіраецца перамагчы на прэзідэнцкіх выбарах? Што паабяцае і чым спужае дзеля электаральнай перамогі? У студыі «Размовы» гэта абмяркоўваюць Віталь Цыганкоў і дырэктар недзяржаўнага Беларускага інстытуту стратэгічных даследаванняў Пётр Рудкоўскі.
Кожная выбарчая кампанія адметная пэўным наборам лозунгаў і заклікаў, на якіх Аляксандр Лукашэнка будуе сваю праграму. Традыцыйныя абяцанкі дабрабыту і стабільнасці дыскрэдытавалі сябе за 25 гадоў прэзідэнцкага кіравання. Якія абяцанні могуць спрацаваць сёлета?
«Набор лозунгаў наўрад ці зменіцца. Можа, зменіцца акцэнт. Тое, што будзе падкрэслівацца і паўтарацца часцей, гэта незалежнасць. Стандартны набор Лукашэнкавых лозунгаў – «Незалежнасць», «Дабрабыт», «Стабільнасць». Магчыма, у нейкай ступені будзе далучаны лозунг «Пераменаў», – выказаўся Пётр Рудкоўскі.
Ці будзе звязаны курс на перамены з тым, што Лукашэнка часта скардзіцца на стомленасць? Пра гэта ў «Размове» Віталь Цыганкоў гутарыць з дырэктарам недзяржаўнага Беларускага інстытуту стратэгічных даследаванняў Пётрам Рудкоўскім.
Спецыяльна для тых, каму зручней слухаць, а не глядзець, «Размова» запускае падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас: