У сталіцы Туркменістана Ашхабадзе выстройваюцца чэргі ад 4-ай гадзіны раніцы. Краіну даўно ліхаманяць розныя дэфіцыты: то знікае бензін, то мука, а цяпер – яйкі. Ад такога жыцця з багатай на газ краіны збеглі ўжо больш за паўмільёна туркменаў. Другой краінай, куды яны збягаюць, паводле статыстыкі з’яўляецца Беларусь.
«У Беларусі, – жартуюць аўтары праграмы «Вечаровы шпіль», – яечны дэфіцыт вырашылі 20 гадоў таму, хоць ён і назаўжды застанецца ў народнай памяці, дзякуючы двум сакраментальным фразам: «Толькі ўзяўся за яйцы, масла знікла!» ды «У кожнага беларуса на стале будуць нармальныя, чалавечыя яйкі».
Іншыя тэмы праграмы:
- Ракета сярэдненькай далёкасці.
- ААН: Пакінь… бюстгальтар, усялякі, хто сюды ўваходзіць!
- «Якуцкі шаман надыходзіць» – гімн гвардзейцаў.
- Беларускі міліцыянт і якуцкі шаман – у чым падабенства?
- З якімі травамі эксперыментуюць ў Драздах?
- Ці паедзе Шайгу на Калыму?
- Хто охае ў Белым доме?
- Шабля за мільярд!
- Рубрыка «Вельмі дарагі Уладзімір Уладзіміравіч».
- Лёс Трампа ў руках Уладзіміра.
- Папулярная педагогіка: знакам крыжа і… кулаком!
Сатырычнае шоу «Вечаровы шпіль» глядзіце кожную суботу а 21.15 праз спадарожнік «Астра 4A» (ранейшая назва «Sirius 4»), онлайн, на нашай старонцы або на канале YouTube.
Фота: Alexander Shcherbak / TASS, Forum / Vasily Fedosenko
