Што перашкаджае Менску з Кіевам? Чаму чачэнскія дзеці ў Берасці сталі закладнікамі вялікай палітыкі? Ці Палессе чакае экалагічная катастрофа? Якія беларускія прадукты любяць у Латвіі? Ці Трамп верне амерыканскія танкі з Еўропы? Пра гэта ў «ПраСвеце» з Сяргеем Пелясой.
Беларусь сурʼёзна разглядае варыянт паставак даражэйшай нафты праз Украіну, з якою Расея фактычна ваюе. Каментуюць Ігар Тышкевіч з Кіева і Таццяна Манёнак з Менску.
Каму патрэбны міжнародны водны шлях E-40? Інтэрв’ю з навуковым супрацоўнікам Цэнтру экалагічнай эканомікі Святаславам Валасюком.
Некалькі тысяч чачэнцаў – грамадзянаў Расеі – качуюць у Берасці. Яны хочуць выехаць у Еўрапейскі Звяз праз Польшчу. Але Варшава не дае дабро. У мігрантаў канчаюцца грошы, надыходзіць зіма. У асабліва цяжкой сітуацыі апынуліся малыя. Уласны рэпартаж нашых карэспандэнтаў.
Якім чынам праблема мігрантаў у Берасці звязаныя з аблавамі супраць ісламістаў у Нямеччыне і вайной у Сірыі? Інтэрвʼю з Кшыштафам Ледэлем, дырэктарам Цэнтру даследаванняў тэрарызму ў Варшаве.
Рыга адмяняе візавы збор для беларусаў на час калядных святаў і пабудуе плот на мяжы з Беларуссю. Ці ёсць канфлікт у гэткіх пастановах? Што на гэта Літва? Каментуе палітолаг Віціс Юрконіс з Вільні.
Чаго чакае свет ад прэзідэнта, а не кандыдата Трампа. Каментуе вайсковы аглядальнік Аляксандр Алесін.