Чаму Беларусь і яе суседзі па-рознаму сустрэлі каронавірус? «Прасвет» з Сяргеем Пелясою

Пра рэальную сітуацыю з каронавірусам у суседзяў Беларусі, пра эпідэмію хлусні, а таксама пра тое, як зменіцца свет пасля пандэміі. Спецыяльнае выданне «Прасвету».

І вайна, і чума. Як сустрэлі каронавірус у Беларусі і ў нашых суседзяў

Усе суседзі Беларусі пайшлі на надзвычайныя захады ў сувязі з пандэміяй каронавіруса. Закрыты школы, універсітэты, рэстараны, нехта працуе з дому, хтосьці – у вымушаным адпачынку. Але што больш важнае – закрытыя межы. Адарванымі ад дому застаюцца тысячы людзей. І пакуль адзінае, што кажуць суразмоўцы «Прасвету», сітуацыя наўрад ці нармалізуецца праз два тыдні. Аркадзь Несцярэнка – пра тое, як сустрэлі пандэмію каронавіруса ў Беларусі ды ў краінах суседзяў.

У Расеі бяда ідзе і бяду вядзе. Нафтавая вайна адначасова з эпідэміяй

«Калі мы не хочам італьянскага сцэнару, то патрэбныя экстраныя меры». Расейскія лекары і грамадскія актывісты апублікавалі адкрыты ліст да прэзідэнта і ўраду, з просьбай прыняць меры для барацьбы з эпідэміяй каронавіруснай інфекцыі. Але як сцвярджаюць эксперты, сцэнар у Расеі будзе свой. Чаму? Рэпартаж Святланы Аўчаровай.

У Кітаі ёсць вакцына супраць каронавіруса

Так лічыць Аляксандр Керч, лекар з Бельгіі ды былы вайсковец. Доктар распавядае пра эфектыўнасць розных тыпаў масак, тлумачыць, якімі сродкамі абараніць сябе ад гэтай хваробы. Якім чынам гэты новы вірус стварылі ў Кітайскай Народнай Рэспубліцы, дзе пачалася эпідэмія? Інтэрв’ю Алеся Сіліча.

Хворыя на хлусню. Як не даць сябе заразіць фэйкамі?

Паніка і непраўдзівае інфармаванне аб хваробе могуць быць куды больш небяспечнымі за «COVID-19», папярэджвала месяц таму Сусветная арганізацыя здароўя. І вось выглядае на тое, што ва ўстанове разбіраюцца не толькі ў эпідэміялагічнай, але і ў інфармацыйнай гігіене. Падрабязней пра хлусню падчас пандэміі – Усевалад Шлыкаў.

Што пасля пандэміі?

Новы штам старога віруса аказаўся ўзрушэннем сусветнага маштабу, якое змусіла кожнага адчуць страх, засяродзіцца на сабе ці самаізалявацца. Гэта крызіс для глабальнай эканомікі, для рынку занятасці, тэст на эфектыўнасць для палітыкаў і новы стымул для творцаў. Якім будзе свет пасля пандэміі, паспрабуем уявіць ужо сёння з Юліяй Цяльпук.

На прэв’ю калаж з фота: SPUTNIK/Reuters/Forum

Міжнародны тэлечасопіс «ПраСвет» з Алінаю Коўшык ды Сяргеем Пелясою глядзіце штотыдзень у пятніцу а 21:20. Падпісвайцеся на «Прасвет» у профілях у Facebook і «Аднакласніках»! Глядзіце нас праз спадарожнік «Астра 4A» (ранейшая назва «Sirius 4»), онлайн, на YouTube-канале і на нашай старонцы.

Больш матэрыялаў

Супраць рэжыму Лукашэнкі будуць эканамічныя санкцыі. «ПраСвет» з Алінаю Коўшык

Ці Расеі патрэбны Еўразвяз для перамоваў па Беларусі? «ПраСвет» з Сяргеям Пелясою

Ці звязаныя рэвалюцыя ў Беларусі з вайной у Карабаху. «ПраСвет» з Алінаю Коўшык

Крэмль у Беларусі рыхтуецца да вялікай вайны. «ПраСвет» з Сяргеем Пелясою

Паўзучая ваенная анексія Беларусі. «ПраСвет» з Алінаю Коўшык

У чым сіла Святланы Ціханоўскай? «Прасвет» з Сяргеем Пелясою

Прымусіць беларусаў да інтэграцыі. Што Лукашэнка і Пуцін хочуць змяніць у Канстытуцыі?

Як Лукашэнку прымусіць сысці паводле армянскага рэцэпту? Інтэрв’ю з Сурэнам Саакʼянам