Жыхар Гомля Андрэй Толчын упэўнены, што выбары трэба выкарыстоўваць толькі для размоваў з людзьмі.
Старшыня Цэнтральнай выбарчай камісіі Лідзія Ярмошына ўпэўненая, што мясцовыя выбары, якія адбудуцца ўжо 18 лютага 2018 года, прывядуць у палітыку новых людзей. Перспектывы такога аптымізму каментуе былы дэпутат Гомельскага гарадскога савету Андрэй Толчын.
«На маю думку, выбараў няма. Ісці на іх можна толькі каб паўплываць на ўладу ў межах існай сітуацыі, – заяўляе Андрэй Толчын. – Калі, напрыклад, будзе прымацца новы закон аб дармаедах, [выбары можна выкарыстаць,] каб пайсці размаўляць з людзьмі».
«Мясцовыя выбары не мае сэнсу – яны ні на што не ўплываюць», – кажа наш суразмоўца.
Паводле дэпутата, удзел у выбарчай кампаніі – гэта таксама шанец выступіць перад людзьмі, якія вераць, што выбары існуюць.
«На самой справе іх няма, – дадае Толчын. – Людзям трэба сказаць, што яны могуць прыходзіць на ўчастак, а можаце не прыходзіць – ніхто не збіраецца ўлічваць вашыя галасы».
На пытанне пра ўзор улады ў рэгіёнах, Толчын кажа, што яна павінная б была «прыслухоўвацца да людзей і іх штодзённых патрэбаў»: праблемаў працоўных месцаў, заробкаў, дарог і дахаў.
«Самае галоўнае – каб прыйшоў гаспадар», – падсумоўвае Толчын.
Фота вокладкі – Уладзімір Нікольскі/Reuters