Калі ўжо з’явіцца беларускі Джокер? Хто будзе беларускім Джэкі Чанам?
Каманда «Хай так TV» хоча зняць сапраўднае кіно і прайсціся па чырвонай дарожцы хаця б на фестывалі «Лістапад»! Таму і спрабуе сябе ў ролі актораў, сцэнарыстаў і рэжысёраў. А кансультуе іх – самы паспяховы беларускі сцэнарыст і рэжысёр Андрэй Курэйчык.
Ён адказвае на важныя пытанні аб прафесіі: «Кіно, віно ці даміно?», «Чаму рэжысёр – гэта упыр?» і « Чаму ўкраінскі глядач лепшы за беларускага?».
А яшчэ ў новым выданні «Хай так TV»:
- Ці будуць беларусы масава даносіць адно на аднога, калі ім за гэта заплацяць?
- 17 гадоў на адной пасадзе – задоўга, вырашыў Лукашэнка. Ды ладна!
- «Трое ў школе» – навошта Карпенка вяртае ваенрукоў? Каб было чым заняцца фізруку і трудавіку!
- Куды пайсці: па бургеры ад NEXTA ці на мітынг ад Цімаці? Ой, наадварот… Халява перамагла?
Сатырычнае шоу «Хай так TV» глядзіце кожную суботу а 19:50 на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн або ў закладцы «Праграмы» на нашай старонцы.
