Незалежная тэатральная пастаноўка на музыку Валерыя Воранава і на словы расстралянага ў 1937 годзе паэта Мікалая Алейнікава балансуе між эпічнаю драмай і дзіцячымі лічылкамі ды распавядае пра жыццё інсектаў сярод людзей і пра жыццё людзей сярод інсектаў, а ў існасці – пра Сусвет. Пасля паказу ўдзельнікі спектаклю распавядуць вядоўцы Міры Шульц пра гісторыю яго стварэння і свае эмоцыі ад гэтага твору.