Сёлетні палітычны сезон мае шэраг адметнасцяў. Адна з іх – ідэя некаторых апазіцыйных партыяў вылучыць адзінага кандыдата да ўдзелу ў прэзідэнцкіх выбараў праз працэдуру праймерыз. У студыі «Размовы» з аўтарам гэтай прапановы журналістам Вадзімам Казначэевым гутарку вядзе Уладзімір Мацкевіч.
Упершыню ідэю правесці праймерыз у Беларусі журналіст Вадзім Казначэеў агучыў у 2003 годзе. Паводле ягоных словаў, гэты ўзор, які варта пераняць з амерыканскага досведу, дапаможа абудзіць актыўнасць выбарнікаў і пашырыць кола зацікаўленых асобаў.
«Каб не абмяжоўвацца звычайным колам палітычных актывістаў, а каб далучыць як мага большую колькасць звычайных людзей», – зазначыў госць праграмы.
Пры гэтым спадар Казначэеў падкрэслівае, што сёння праймерыз мусілі б вызначыць не спарынг-партнёра для Аляксандра Лукашэнкі на выбарах, а новага нацыянальнага лідара. Ці магчыма гэта? Дый ці патрэбна гэта краіне на сённяшнім этапе? Адказы ў «Размове» Уладзіміра Мацкевіча і журналіста, аўтара ідэі праймерыз у Беларусі Вадзіма Казначэева.
Спецыяльна для тых, каму зручней слухаць, а не глядзець, «Размова» запускае падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас.
