Андрэй Юркоў: Абсурднасць гэтай сітуацыі нават паўплывала на суддзю

А цяпер – удвая нетыповая сітуацыя для Беларусі. Па-першае, Дрыбінскі раённы суд разглядаў справу аб дызлайку ў сацыяльнай сетцы «Аднакласнікі». Па-другое, суд стаў на бок абвінавачанага – мясцовага актывіста Андрэя Юркова, і адмяніў свой жа ранейшы вырак аб аштрафаванні Юркова за распаўсюджванне экстрэмісцкіх матэрыялаў.

Гаворка пра дызлайк, які актывіст паставіў у «Аднакласніках» пад выявай нацысцкай сімволікі, за што спачатку і атрымаў 10 базавых штрафу.

Андрэй Юркоў дзеліцца сваймі ўражаннямі ад суду:

«Уражанні вельмі прыемныя. Таму што ў рэшце рэшт суд аб’ектыўна падышоў да гэтай справы, абʼектыўна яе разгледзеў. І вынес той вырак, якога напэўна чакаў не толькі я, а багата карыстальнікаў сацыяльных сетак. Адменена было папярэдняе рашэнне. І дзякуй Богу ўсё на нашу карысць, на карысць дэмакратыі, на карысць свабоды слова ў гэтай сітуацыі і на карысць сацыяльных сетак актыўных».

Падобныя працэсы былі раней, але яны скончваліся сумна для абвінавачаных. Юркоў лічыць, што ў яго справе суд даў задні ход, дзякуючы рэакцыі людзей і яго актыўнай пазіцыі.

«З іншага боку цалкам верагодна, што абсурднасць гэтай сітуацыі нават паўплывала на суддзю», – кажа Андрэй Юркоў.

Андрэй самацэнзуру не ўключыць і не будзе асцярожней расстаўляць падабайкі і дызлайкі. Ён будзе змагацца за свабоду, нават калі дзяржава захоча абмежаваць яго волю.

Працяг размовы глядзіце ў відэа.

belsat.eu

Глядзі таксама

Больш матэрыялаў

Паміж жыццём беларусаў і эканомікай

Каронавірус: падумайце пра старэйшых

А. Класкоўскі: Масква ніколі не згодзіцца выпусціць Беларусь са сваёй арбіты

Карупцыя дабралася да цела прэзідэнта

Улады ўпэўненыя, што кантралююць праймерыз

Эксклюзіўны каментар працаўніка «Беларуськалія» пра трагедыю

Арганізатары праймерыз адмовілі Канапацкай у даверы

Уладзімір Няпомняшчых: Міліцыя стала абараняць не народ, а ўладу