Гарачы каментар Анатоль Шумчанка: Пасля стыхійнага мітынгу ў Гомлі ўлады перастрахаваліся


Індывідуальныя прадпрымальнікі працягваюць змаганне за сваё права на працу. Гаворка пра патрабаванне дробных бізнесоўцаў адмяніць указ № 222, згодна з якім на кожны тавар яны мусяць мець сертыфікат.Як раней абяцалі лідары прадпрымальніцкага руху, 25-га студзеня мусіць адбыцца чарговы антыкрызісны форум, аднак з рыхтаваннем да яго пачаліся праблемы.https://www.youtube.com/watch?v=uX3NydpF9FoУпраўленне справамі кіраўніка Беларусі Аляксандра Лукашэнкі анулявала ранейшую дамоўленасць з абʼяднаннем прадпрымальнікаў «Перспектыва» на наданне памяшкання для правядзення Форуму прадпрымальнікаў. Папярэдні антыкрызісны форум дробныя бізнесоўцы правялі ў канферэнц-зале гатэлю «Беларусь», аднак кіраўніцтва ўстановы цяпер адмаўляецца дапамагчы, бо, маўляў, мінулым разам было зашмат удзельнікаў. Арганізатары тэрмінова шукаюць іншых памяшканняў, бо да самога мерапрыемства засталося не так шмат часу – усяго менш за тыдзень.Госць «Гарачага каментара» – старшыня абʼяднання прадпрымальнікаў «Перспектыва» Анатоль Шумчанка. На ягоную думку, пасля стыхійнага мітынгу ў Гомлі ўлады перастрахаваліся і пастанавілі адсунуць мерапрыемства ў іншы пункт Менску, падалей ад беларускіх міністэрстваў.МЯ, belsat.eu

Глядзі таксама
Каментары