Адстаўныя сілавікі падмялі кветкавы бізнес

Супольнае расследаванне праграмы «Давайце разбірацца» разам з інтэрнэт-выданнем Naviny.by, выявіла схемы, пры дапамозе якіх структуры, звязаныя з атачэннем і сям’ёй Аляксандра Лукашэнкі, падмялі пад сябе кветкавы бізнес у Беларусі і Расеі ды выводзяць дзясяткі мільёнаў долараў з бюджэтаў абедзвюх краін.

З кожных трох кветак, што звозяць у Расею, дзве – беларускія. Гэта пры тым, што ў 2013 годзе, нашая краіна ўвогуле не фігуравала на суседнім рынку кветак. Як жа нам удалося абагнаць сусветных лідараў у гэтай галіне – Эквадор і Калумбію?

«Вывучаў звесткі пра вонкавы гандаль, у прыватнасці – пра імпарт кветак у Беларусі, пра экспарт у Расею. Таму што асноўныя аб’ёмы туды ідуць. Заўважыў цікавую карціну: за мінулы год, напрыклад, мы ўвезлі ў Беларусь кветак амаль на 400 млн долараў, а вывезлі ў Расею на больш за 80 млн долараў. У мяне ўзнікла пытанне: як можа існаваць такі бізнес, калі ты траціш больш грошай на пакупку кветак, чым зарабляеш на іх збыце? Гэта проста стратны бізнес», – распавядае журналіст інтэрнэт-выдання Naviny.by Алесь Ярашэвіч.

Калі кветкі завозяць у Беларусь, прадпрымальнік павінен заплаціць з гэтага 5-адсоткавае мыта і 20 адсоткаў падатку на дададзеную вартасць. Яшчэ 18 % ён заплаціць з прыбыткаў і 13 % – падатак на дывідэнд, каб законна вывесці грошы з фірмы і пакласці іх сабе ў кішэню.

На практыцы ж з гэтага ўсяго рэкспарцёры чамусьці плацяць толькі 5 % мыта. Гэта азначае, што дзяржаўная скарбонка не толькі не атрымала з гэтае схемы ніякіх падаткаў, але і вызваліла ад падаткаў сотні мільёнаў долараў іншых даходаў гэтых рээкспарцёраў.

«Мы разумеем хто «апекуецца» кантрабандай, рэч у тым, што кантрабандавая галіна ў Беларусі – дзяржаўная», – тлумачыць эканаміст Андрэй Суздальцаў.

Таксама ў праграме «Давайце разбірацца»:

  • Асаблівую эканамічную зону «Брэміна – Орша» стварылі для легалізацыі кантрабанды?
  • Чым «апекуецца» кіраўнік справамі прэзідэнта Віктара Шэйман?
  • Чаму Расея прыкрыла гэтую шэрую схему «цюльпанаў і ружаў»?

Belsat.eu

Калаж з фота: ТК / belsat.eu

Больш матэрыялаў

Куды знікаюць грошы на медыцыну

Пасля ста дзён Лукашэнкі чакаем інфляцыі

Падводзім вынікі 100-дзённага супрацьстаяння

Рубель заразіўся каронавірусам. Эканоміка з Чалым

Дрэваапрацоўчыя прадпрыемствы эфектыўна вырабляюць толькі страты. Эканоміка з Чалым

Атачэнне Лукашэнкі адмывае грошы праз Літву? Расследаванне

Набліжаныя да Лукашэнкі раскрадаюць краіну? Эканоміка з Чалым

Як бізнес пры Лукашэнку абыходзіць санкцыі. Расследаванне «Белсату»