Чаму расейцы зайздросцяць беларусам? Дзе заканчваецца палітычная дыскусія і пачынаецца сварка? Ці патрэбны пашпарт добрага беларуса і добрага рускага? Ці можна крытыкаваць палітычных лідараў і структуры беларусаў цяпер, у часе вайны?
Адказы на гэтыя ды іншыя пытанні шукалі ўдзельнікі чарговага выдання праграмы Змітра Міцкевіча «Без акрэдытацыі»: журналістка Юлія Архіпава, сузаснавальнік Reform.by Аляксандр Атрошчанкаў і журналіст Беларускай службы Польскага радыё Юрый Ліхтаровіч.
Аляксандр Атрошчанкаў
- Калі ў аўдыторыі памяць, як у рыбкі гупі, тады словы Цапкалы будуць выклікаць увагу і сваркі
- Чалавек не становіцца палітыкам таму, што запісаў эмацыйны ролік, які праглядзелі 10 мільёнаў чалавек
Юлія Архіпава
- Сварка, якая ўзнікае – сімптом псіхалагічнага нездароўя нашага грамадства
- Можна пастаянна зваць пэўнага чалавека на эфір, бо ён заўжды скажа табе, што ФСБ рыхтуе тэракты, і гэта набярэ мільён праглядаў
- У расейскіх сацсетках зараз сварка паміж тымі, хто з’ехаў, і тымі, хто застаўся
Юрый Ліхтаровіч
- Калі чалавек ідзе ў палітыку, то галасуюць не толькі за ягоныя ідэі, але і за асобу, гэта немагчыма аддзяліць
- Полк Каліноўскага мусіць навучыцца працаваць з медыямі
- Бачна радыкалізацыя чаканняў беларусаў, яны чакаюць больш рашучых крокаў
Калаж з фота: Madis Veltman / Globallookpress.com; Юлія Віцязева, Twitter; ЮШ / Белсат