Арт-выстава беларускага супраціву «Кожны дзень»

Вобраз гучнейшы за словы: у Кіеве адкрылася выстава, прысвечаная беларускаму супраціву. Оперная спявачка Маргарыта Ляўчук і гурт «Naviband» далучыліся да святкавання ўгодак БНР на Беласточчыне. А таксама як Дзень Волі адзначалі ў Ізраілі, даведаемся ў праграме «Беларускі свет».

У Кіеве ў Дзень Волі 25 сакавіка віртуальна адкрылася выстава сучаснага беларускага мастацтва «Кожны дзень. Мастацтва. Салідарнасць. Супраціў».

«У гэтым праекце ўзялі ўдзел больш за 50 беларускіх мастакоў. Сярод іх мастакі, якія жывуць у Беларусі ці па-за краінай. Але ёсць працы і ўкраінскіх мастакоў, якія падтрымліваюць пратэст. Так ці іначай усе працы звязаныя з Беларуссю. Частка твораў – гэта рэакцыя на сённяшнюю сітуацыю ў Беларусі. Частка працаў створаная раней, але яны пра чалавека, пра пратэст, пра дэмакратыю», – расказвае арганізатарка выставы Юлія Ваганава, намесніца дырэктара комплексу «Мистецький Арсенал».

Фраза «Кожны дзень» – гэта лозунг, якія скандуюць пратэстоўцы ў Беларусі на вуліцах са жніўня 2020 г. Экспазіцыя ва ўкраінскай сталіцы – гэта жэст салідарнасці з рэвалюцыйнымі працэсамі ў Беларусі.

«Для наведнікаў мы зможам адкрыць выставу пасля таго, як паслабяцца каранцінныя абмежаванні. Таксама мы рыхтуем шырокую онлайн-праграму на трох мовах: 3D-тур і аўдыягід», – дадае Юлія Варганава.

Таксама ў праграме «Беларускі свет»:

  • Аўтамабілі без нумароў, роля жанчын у пратэстах, «Подзвіг народу бессмяротны». Што яшчэ можна будзе ўбачыць на выставе сучаснага беларускага супраціву?
  • Як адзначылі 103-я ўгодкі БНР на Падляшшы і ў Ізраілі

Праграма «Беларускі свет» выходзіць на «Белсаце» ў аўторкі а 19:05. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.

Belsat.eu

Падпісвайся на telegram Белсату

Больш матэрыялаў

Беларус паехаў на пахаванне і трапіў у палон да акупантаў

Беларускі лесаруб ратуе ахвяраў дыктатуры

«Усё было нездарма». Беларусы працягваюць змагацца са злом

Самыя буйныя дастаўцы гуманітарнай дапамогі ва Украіну

«Цяпер зарабляю ўтрая больш, чым на «Нафтане»

Выйсці з бамбасховішча пад абстрэлы

«Увесь лес застаўлены расейскімі войскамі»

Жыццё пранкераў: як троляць баязлівых сілавікоў