Берасцейца з БЧБ-валасамі затрымлівалі сем разоў

Праграміста і музыку Андрэя Прыстаўку шмат хто ведае ў Берасці. Аднойчы яго напаткала вельмі цікавая ідэя.

«Я зразумеў, што пратэставаць толькі ў нядзелі і нейкім адмысловым чынам – не асабліва эфектыўна. А пратэставаць кожную хвіліну, калі мяне бачаць, – больш эфектыўна. І падумаў, чаму б не быць бел-чырвона-беламу сцягу заўсёды са мною. Таму я папрасіў, каб мне пафарбавалі валасы ў бел-чырвона-белыя колеры».

«Нас не замаляваць, не сцерці, не разарваць». Жыхары плошчы Пераменаў працягваюць барацьбу

За актыўнасць мужчыну неаднаразова затрымлівалі ў родным горадзе. 8 лістапада Андрэя сілавікі схапілі ўжо ў Менску.

«Я пайшоў па вуліцы Багдановіча да мосту, і ў гэты момант пад’ехалі бусы. Адтуль выбег амапавец. Я не супраціўляўся. Пасля словаў «мордай у падлогу» мяне пачалі збіваць гумавым дручком, – апавядае мужчына падзеі таго дня. – Збівалі проста так, без якіх-кольвек прэтэнзіяў або патрабаванняў. Проста збівалі, і ўсё».

Пенсіянерку падазраюць у тэрарызме

Суд пакараў Андрэя Прыстаўку 15-дзённым арыштам. Як ужо выявілася пасля вызвалення, увесь гэты час у яго была зламаная рука.

22 снежня, трымаючы сцяг з Пагоняй, Андрэй выйшаў на адзіночны пікет у Берасці. І зноўку апынуўся за кратамі.

«Затрымалі за парушэнне спосабаў правядзення масавых мерапрыемстваў, а менавіта – адзіночнага пікету. Мяне адвезлі ў ІЧУ, там я двое содняў чакаў суда. Адвезлі мяне ў суд, але суд не адбыўся, з нейкай прычыны суддзя накіраваў справу на дапрацоўку».

Былога міліцыянта забралі на Акрэсціна

Ужо праз пару дзён у кватэру Андрэя Прыстаўкі пагрукалі міліцыянты. У мясцовым ізалятары часовага ўтрымання мужчына правёў усе зімовыя святы.

«Навагодні вечар у ІЧУ нічым не адрозніваецца ад штодзённага, – прыгадвае Андрэй. – Нехта мне перадаваў святочны каптурок, я выйшаў у ім на вечаровую праверку ды павіншаваў ахоўнікаў з Новым годам. Вось і ўсе адрозненні».

Забраны ў нашага героя сцяг з Пагоняю суд пастанавіў знішчыць. Наколькі законныя гэтыя дзеянні, мы запыталі адмыслоўца.

«Людзі часам падавалі скаргі, што забралі іхную маёмасць, сапраўды, мой сцяг – мая маёмасць. Здаралася, што людзям вярталі сцягі, – кажа гісторык Дзмітрый Дрозд. – Цяпер, наколькі я ведаю, увялі змены ў Кодэкс аб адміністратыўных парушэннях. І цяпер гэтыя незарэгістраваныя сцягі разглядаюцца як злачынная прылада».

Дом з БЧБ-плотам размалявалі свастыкамі. Уласнікі падазраюць сілавікоў

Нягледзячы на ціск і рэпрэсіі, Андрэй Прыстаўка не губляе аптымізму ды верыць у перамогу.

«Нават калі мы пераможам не заўтра і не пазаўтра, а нават праз месяц, або нават праз год, я не сумняюся, што мы пераможам. Бо сітуацыя вельмі нестабільная. Практычна ўсе беларусы супраць дзейнай улады, а рэжым упарта не зважае на гэта», – казаў на развітанне са здымачнаю групаю «Маю права» Андрэй Прыстаўка.

Таксама ў праграме «Маю права»:

  • Маці дваіх дзяцей пагражае крымінальны артыкул
  • Маладую мастачку дапытвалі пяць гадзінаў
  • Беларусы – аб прыкладах незаконнага затрымання людзей міліцыянтамі
  • Не дачакаліся юбілею… Студыя адпачынку закрылася праз няспынныя правяранні

Праваабарончую праграму «Маю права»глядзіце кожную пятніцу а 19:05 на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн, на YouTube-канале «Белсат Life»або ў закладцы «Праграмы»на нашай старонцы.

Больш матэрыялаў

У Наваградку міліцыянты шукалі лялькавода – знайшлі музей

Цырульніца страціла кліентаў-міліцыянтаў

Дзяржаўныя гангстары нападаюць на ўдзельнікаў Лігі студэнцкіх аб’яднанняў

Ахоўнік СІЗА сказаў: «Ты палітычны, ты тут здохнеш!»

Нагавіцы – рэальная прычына затрымання гарадзенкі Любові Сарлай

2 гады калоніі далі хлопцу з ментальнаю хваробаю за нібыта кінуты камень у бок сілавікоў

Раман і Ганна – гісторыя шлюбу ў Берасцейскім следчым ізалятары

Дзевяць сілавікоў напалі на адну пенсіянерку