Павел Латушка лічыць Аб’яднаны пераходны кабінет протаўрадам і заклікае ствараць арганізацыйныя суполкі ў кожным раёне. Ці будзе гатовы беларускі дэмакратычны рух у вызначальны момант узяць уладу ў Беларусі?
Павел Латушка распавёў праграме «Беларускі свет» пра супрацу дэмакратычных сілаў і яе вынікі. Напрыклад, ён асабіста сустрэўся з прадстаўнікамі 40 краінаў, паспрыяў выключэнню Беларусі з чэмпіянату свету па хакеі і «Еўрабачання», а цяпер увайшоў у Пераходны кабінет Беларусі на чале са Святланаю Ціханоўскаю. Павел Латушка разглядае яго як «протаўрад Беларусі, які павінен акумуляваць увесь рэсурс Беларусі для дасягнення нашай галоўнай мэты – змены сітуацыі ў краіне».
Пратэсты ў Беларусі ў 2020 годзе паказалі, што нашая нацыя ўжо сфармаваная як грамадзянская супольнасць. У той жа час міністр замежных справаў Уладзімір Макей, паводле Паўла Латушкі, «заўсёды казаў, што беларусы – неданацыя».
Якія дзеянні прапануе Павел Латушка для перамогі над рэжымам Лукашэнкі? Якое месца ў гэтым займае Пераходны кабінет? І чаму Лукашэнка баіцца новых прэзідэнцкіх выбараў? Глядзіце ў новым выданні праграмы «Беларускі свет».
Таксама ў праграме:
- Ці цяжка насіць прозвішча дыктатара? Іра Лукашэнка – пра свае будні ва Украіне
- Аксана ўцякла ад рэжыму Лукашэнкі ва Украіну, а затым у Польшчу. Сям’я на будоўлі, і пэўнасць у заўтрашнім дні.
Праграму «Беларускі свет» глядзіце праз спадарожнік «Астра 4A» (ранейшая назва «Sirius 4»), онлайн, у архіве на нашай старонцы або на YouTube.
