Сяргей Румас – наступны прэзідэнт пасля Лукашэнкі, Дзень Волі – цяпер сапраўды нацыянальнае свята Беларусі, а ўкраінскія спецслужбы вынеслі сваім беларускім калегам апошняе кітайскае папярэджанне. Такія тэзы абмяркоўваліся ў сённяшнім выданні праграмы Змітра Міцкевіча «Без акрэдытацыі».
Гэтым разам гасцямі праграмы былі журналістка «Народнай Волі» і TUT.BY Вольга Камягіна, эксперт Украінскага інстытуту будучыні Ігар Тышкевіч, а таксама дырэктар праекту Symbal.by Павел Белавус.
Некаторыя тэзы з выступаў гасцей:
Павел Белавус:
Румас робіць уражанне пазітыўнага еўрапейскага чалавека
Калі нейкі беларускі чыноўнік ідзе ў палітыку і выказваецца супраць Лукашэнкі, ягоны рэйтынг расце
Паказальныя сходкі фрыкаў і вар’ятаў сведчаць пра адсутнасць нармальных кадраў у рэжыму
Ігар Тышкевіч:
Пакуль рана казаць пра нейкую перамогу пратэстаў
Сяргей Румас – толькі адна з кандыдатураў Крамля на пасаду кіраўніка Беларусі
Украінскія спецслужбы за апошнія месяцы неаднаразова спынялі кантрабанду прадукцыі падвойнага прызначэння на мяжы з Беларуссю
Вольга Камягіна:
У бліжэйшы час не варта чакаць буйных вулічных акцыяў пратэсту
Для прыхільнікаў зменаў кандыдатура з наменклатуры мае сумнеўны імідж
Скандал спецслужбаў не паўплывае на беларуска-ўкраінскія дачыненні
Усю дыскусію цалкам глядзіце ў праграме «Без акрэдытацыі».
Калаж з фота: Sergei Sheleg, BelTA, TASS / Dmitry Astakhov, TASS / Forum