Даніл Аленіус – блогер-урбаніст, які хоча зрабіць беларускія гарады зручнымі і ўтульнымі. У 2020 годзе ён парваў з таталітарным культам Сведкаў Еговы і ўключыўся ў пратэсты, пабываў на Акрэсціна ў Менску і ў жодзінскай турме ды мусіў з’ехаць з Беларусі.
Даніл вядзе YouTube-канал «Danelius», дзе па-беларуску распавядае пра ўрбаністыку, гісторыю і грамадазнаўства.
«Вы павінныя вучыць беларускую мову. Вось прыйдзе іншая ўлада – і будзеце ўсе размаўляць па-беларуску!» – гэтак казалі настаўніцы ў рэчыцкай школе, дзе вучыўся Даніл, але ніхто іх не слухаў.
Як і чаму Даніл перайшоў на беларускую мову? Чым адрозніваецца стаўленне да беларускай мовы менчукоў і палешукоў? Чаму Даніл лічыць культ Сведкаў Еговы таталітарным і цешыцца, што вырваўся адтуль? Дзе адбываць содні было горш – на Акрэсціна ці ў Жодзіне? У чым яго абвінавачвае рэжым Лукашэнкі, як ён пакінуў Беларусь? Адкуль цікавасць да ўрбаністыкі – і чаму варта падпісацца на ягоны канал?
У граматычнай частцы разбіраемся, жадаюць ці зычаць здароўя, а таксама тлумачым, як правільна ўтвараць аддзеяслоўныя назоўнікі, напрыклад, «распаўсюджванне» ці «распаўсюджанне».
Паступова – рас. постепенно
Асяроддзе – рас. окружение
Паважліва – рас. уважительно
Дрэнная звычка – рас. плохая привычка
Шкодны – рас. вредный
Галіна = сфера
Цяжарная – рас. беременная
Сталася = атрымалася – рас. получилось
Апынуцца – рас. оказаться
Сведкі – рас. свидетели
Асоба – рас. личность
Свядомасць – рас. сознание
Забаронены – рас. запрещен
Здрада – рас. измена
Дакладна – рас. точно
Уважліва сачыць – рас. внимательно следить
Гвалтоўны – рас. насильственный
Содні = суткі
Перакананне – рас. убеждение
Паўдзейнічаць – рас. повлиять
Ператрус = вобшук – рас. обыск
Крымінальная справа – рас. уголовное дело
Лёс тэставаць – рас. испытывать судьбу
Заплечнік = рукзак
Параіць – рас. посоветовать
Натхніць – рас. вдохновить
Мэта – рас. цель
Уяўленне – рас. представление
Імкнуцца – рас. стремиться
Урбаністыка – вывучэнне функцыянавання і развіцця гарадоў
Скрыжаванне – рас. перекресток
Кіраўнік райвыканкаму – рас. руководитель райисполкома
Няякасны – рас. некачественный
Праз эміграцыю = з-за эміграцыі
Утульны – рас. уютный
Хмарачос – рас. небоскреб
Адукацыйную праграму «Мова нанова» глядзіце кожную нядзелю а 20:20 на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн або ў закладцы «Праграмы» на нашай старонцы.