Як расейцы будуць ухіляцца ад мабілізацыі? Па якіх аб’ектах на Захадзе Крэмль хоча ўдарыць ядравай зброяй? Ці ўдасца Лукашэнку чарговы раз выграбсціся без наступстваў з пуцінскай авантуры? Адказы на гэтыя ды іншыя пытанні шукалі ўдзельнікі чарговага выдання праграмы Змітра Міцкевіча «Без акрэдытацыі»:
Прадстаўнік Акадэміі «Усходні дом» Яўген Біланожка, журналіст «Белсату» Яраслаў Сцешык і журналіст праекту «Вот так» Аляксандр Скрыльнікаў.
Некаторыя тэзы з выступаў гасцей:
Аляксандр Скрыльнікаў
- Мае знаёмыя кажуць, што лепш адседзець два гады за ўхіленне ад службы, чым ісці на вайну
- Калі не было вялікіх пратэстаў пасля 24 лютага, іх не будзе і далей
- Расейцы хутчэй будуць падкупляць ваенкамаў, каб не ісці на вайну, чым выходзіць на пратэсты
Яўген Біланожка
- У Расеі магчымы сабатаж мабілізацыі ў розных формах
- Пуцін блефуе як у покеры – гэта адкрыты ядравы шантаж
- Пасля мабілізацыі наступным крокам Крамля застаецца толькі правакацыя памежнага канфлікту з краінамі Захаду
Яраслаў Сцешык
- Цяпер ваенкамы ў Расеі стануць доларавымі мільянерамі
- Калі гуляць з Пуціным у покер, ён будзе казаць, што ў яго пяць тузоў, маючы на руках адно шасцёркі
- Лукашэнка хацеў зрабіць з украінцамі тое, што зрабіў з беларусамі
Поўную версію дыскусіі глядзіце ў праграме «Без акрэдытацыі».
