Для каго ў Беларусі рыхтуюць бамбасховішчы?

«У Беларусі рыхтуюць бамбасховішчы, але пакуль не для звычайных людзей», – заявіў інсайдар, работнік жыллёварамонтнай эксплуатацыйнай арганізацыі, журналістцы Арыне Маліноўскай у праграме «Шчыра кажучы».

Работнік ЖРЭА ў Менску, які пагадзіўся размаўляць на ўмовах ананімнасці, заявіў, што яны атрымалі распараджэнне з адміністрацыі раёну: падрыхтаваць бамбасховішчы:

«Там мусіць быць усё неабходнае для камфортнага размяшчэння. Ад нас гэта святло, вада і чысціня. Прашу заўважыць, што бамбасховішчы не для людзей, а для кіраўніцтва. Месцазнаходжанні не разгалошваюцца, пра іх ведае толькі вузкае кола людзей».

Дзе ў Беларусі ратавацца ад ракетаў і бомбаў? Інфармацыя пра сховішчы закрытая

Таксама інсайдар распавядае, што ў іх ЖРЭА тэлефануе шмат асобаў са скаргамі на гул самалётаў і пытаннямі, дзе хавацца ад вайны, калі тая пачнецца і ў Беларусі.

«Тэлефоны проста разрываюцца ад званкоў усхваляваных грамадзянаў. Гэта пераважна пажылыя людзі і мамы ў дэкрэце. Калі я намагаюся ім патлумачыць, што я не валодаю такой інфармацыяй, што нашае прадпрыемства займаецца толькі зямлёю, а ўсё, што ў небе, – не нашая юрысдыкцыя, пачынаюцца лаянка і істэрыка з кіданнем слухаўкі», – распавядае працаўнік ЖРЭА.

Таксама ў праграме: ці здольная Беларусь самастойна забяспечваць сябе харчамі? Наколькі павысяцца кошты і ўпадуць заробкі? Ці можа Усход уратаваць замежны гандаль Беларусі? Якія спрыяльныя ўмовы могуць скласціся для беларускіх заводаў ва ўмовах крызісу? Ці спыняць вытворчасць прадпрыемствы?

Праграма «Шчыра кажучы» выходзіць штосераду а 19:05 у эфіры «Белсату», а таксама на нашым YouTube-канале.

Фота: s13.ru

Падпісвайся на telegram Белсату

Больш матэрыялаў

Чаму людзі даносяць на сваіх родных?

На што зараз будуць хварэць беларусы?

«Вайна – гэта не аргумент». Як Беларусь прымае ўцекачоў з Украіны

Як улады рыхтуюцца да пагаршэння эканамічнай сітуацыі на прадпрыемствах

Лукашэнка трапіў у гісторыю, калі ён ні сваім, ні чужым не ўдружыў

Галоўнае свята дыктатараў. Чаму для Лукашэнкі ды Пуціна настолькі важны парад 9 траўня?

Наколькі эфектыўна дзеіць ваенная прапаганда ў Беларусі, Расеі ды Украіне?

Беларусь магла перажыць другі Чарнобыль