Колькі часу трэба, каб загаварыць па-беларуску?

Пераймаецеся, што перайсці на беларускую мову няпроста, нецікава ці гэтаму не спрыяе асяроддзе? Усё зусім не так страшна. Вы пераканаецеся ў гэтым, калі паслухаеце гісторыі нашых герояў, якія нядаўна паспяхова зрабіліся беларускамоўнымі.

21 лютага, у Дзень роднай мовы, мы знайшлі трох чалавек, якія нядаўна пачалі размаўляць па-беларуску, каб спытаць, як у іх гэта атрымалася. Гэта HR-спецыялістка і настаўніца іўрыту Алена Пяхота, маркетолаг Кацярына Сазонава ды айцішнік Артур Казлоўскі.

Кожны з іх рознымі шляхамі прыйшоў да беларускай мовы. Для кагосьці штуршком была размова з іншымі беларускамоўнымі людзьмі, хтосьці быў зачараваны песнямі гурту «Nizkiz», а кагосьці натхніла кніга Андруся Горвата «Радзіва «Прудок». Дзённік».

Гэтыя людзі розныя, але ёсць нешта, што іх абʼядноўвае. Гэта жаданне вывучыць родную мову нанова. Яны падзеляцца, як у іх усё атрымалася і што новага адкрылі яны, вывучаючы беларускую.

Калі вам таксама ёсць што расказаць пра шлях да беларускай мовы, напішыце нам на адрас movananova.by@gmail.com і вы станеце госцем наступнай праграмы «Мова нанова».

«Мова нанова», у сваю чаргу, да Дня роднай мовы падрыхтавала для гледачоў падарунак: 12 фактаў пра беларускую мову.

У граматычнай частцы мы абгрунтавана патлумачым, у чым усё ж палягае сакрэт мілагучнасці нашай мовы.

Вядоўцы праграмы – Глеб Лабадзенка і Алеся Літвіноўская.

Адукацыйную праграму «Мова Нанова» глядзіце кожную нядзелю а 20:20 на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн або ў закладцы «Праграмы» на нашай старонцы.

Больш матэрыялаў

Што агульнага паміж татуяваннем і беларускай мовай?

Зарабіць на кватэру, калі ты ў інваліднаму вазку

Што рабіць з тымі, хто на баку Лукашэнкі, і як прымірыць беларусаў

Акторка-купалаўка: Здацца цяпер – значыць кінуць людзей у турме на волю лёсу

Намінант Нобэлеўскай прэміі міру – аб пратэстах у Беларусі

Лайфхакі, каб не падаць духам у Беларусі

«Хуліганскія» і сур’ёзныя пераклады песень ад аўтара «Муроў»

Беларускія ўпрыгожанні скарылі Маскву