«Хай так TV» даведаўся, чаго чакаюць ад новай Канстытуцыі менскія путаны. Дзяніс Дудзінскі таксама мае ідэі наконт паправак у галоўны закон краіны.
Рэферэндум, вайсковыя вучэнні – столькі клопатаў, што рэжыму Лукашэнкі не хапае людзей, таму чыноўнікам даводзіцца працаваць начамі, а спартоўцам – рэзка змяняць спецыялізацыю. Нават шпіцу Вумку давядзецца асвойваць новыя трукі.
Калі вам было цікава, адкуль на радыё з’явілася Вольга Няфёдава і як Андрэй Мукавозчык прымудрыўся пісаць мацерны тэкст без мату, глядзіце размову з нашым госцем. Да нас завітаў Сяргей Кузін – стваральнікам слыннага «Альфа-радыё», якое з Радыё Вялікіх Пінгвінаў пераўтварылася ў прыдатак адміністрацыі «перасядзента».
Сатырычнае шоу «Хай так TV» глядзіце кожную суботу а 20:30 на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн або ў закладцы «Праграмы» на нашай старонцы.