Беларуская і расейская дзяржаўная прапаганда – браты-блізняты альбо маюць свае адрозненні? Што беларуская прапаганда ўзяла ад расейскай, а што мае свайго? Колькі адсоткаў беларусаў чытаюць і глядзяць афіцыйныя СМІ?
Пра гэта ў сваёй «Размове» Віталь Цыганкоў гутарыў з медыяаналітыкам Паўлюком Быкоўскім.
Некаторыя з тэзаў, агучаных Быкоўскім:
- Пасля 9 жніўня 2020 года адбылася сінхранізацыя беларускай і расейскай дзяржаўных прапагандаў.
- Прапаганда Лукашэнкі выкарыстоўвае экспертаў «русского мира» з Украіны і Польшчы, якія расказваюць, як там кепска.
- Прапагандысты разлічваюць, што высновы запамінаюцца, а факты – не.
- Рэжым робіць галоўную стаўку на тэлебачанне, а не на новыя медыі і сацыяльныя сеткі, дзе прайграе.
- Прапаганда рэжыму можа мець пэўны поспех з прычыны татальнасці і масавасці ў некаторых сферах.
Размову цалкам глядзіце на канале «Belsat News».
Калаж з фота: Mikhail Metzel / TASS / Forum