Мастак прадае працы, каб сабраць грошы палітычнаму вязню Ігару Ярмолаву


Ігару Ярмолаву, валанцёру штабу Віктара Бабарыкі, прысудзілі 5 гадоў турмы. На ягоную маці ў Беларусі завялі крымінальную справу. Калі мастак Уладзімір Буракоў пачуў іхную гісторыю, то пастанавіў дапамагчы, сабраўшы грошы.

Як толькі Аляксей і Святлана, бацькі Ігара, даведаліся пра крывавыя падзеі 9 жніўня 2020 года, яны патэлефанавалі сыну, але той не адказваў. Бацькі паехалі ў Менск і пабачылі, што ў доме сына быў ператрус. Ігар знайшоўся ў Вайсковым шпіталі. У яго было чэрапна-мазгавая траўма, зламанае рабро, прабітае лёгкае, гематомы. Можна сабе ўявіць, як выглядала затрыманне.

Абноўлена
У Менску агучылі вырак чатыром палітвязням – валанцёрам штабу Бабарыкі
2021.06.10 12:20

Спадарыня Святлана, маці Ігара, звярталася ў розныя інстанцыі, каб пакараць адказных за збіццё сына і вызваліць яго з турмы. Але адзіным вынікам гэтых высілкаў было тое, што ў лістападзе яе самую абвінавацілі ў абразе прадстаўнікоў улады і распачалі супраць жанчыны крымінальную справу.

Калі спадарыня Святлана пайшла на допыт у Следчы камітэт, то адчула сябе зусім самотнаю.

«Ідзеш на допыт – і падаецца, што ты проста адзіны ўва ўсім сусвеце», – кажа нашая гераіня.

І вось у гэты момант на дапамогу прыйшоў мастак Уладзімір. Ён звярнуўся да нас у праграму і распавёў гісторыю Ігара ды ягоных бацькоў. Уладзімір збірае грошы палітычным вязням. Дзеля гэтага ён прадае свае творы з дрэва.

Спадарыня Святлана і Уладзімір:

Ігар і Святлана не былі знаёмыя з Уладзімірам. Дзякуючы сустрэчы з мастаком яны на сабе адчулі моц беларускае салідарнасці.

«Самае галоўнае ў гэтым – тое, што мы адчулі побач плячо такога ж чалавека, такога ж беларуса, які прагне ўсяго добрага нашай краіне», – кажа з удзячнасцю спадарыня Святлана.

Уладзімір паказаў нам свае інструменты і распавёў, што яго натхняе. А ў бацькоў Ігара мы даведаліся, як беларуская салідарнасць змяніла іхнае жыццё.

Аляксей, Святлана і Уладзімір з дэкаратыўным пано з тыграм:

Падпішыцеся на Instagram Уладзіміра і купіце нейкі з ягоных вырабаў, каб падтрымаць ініцыятыву і беларускіх палітычных вязняў.

I памятайце: беларус беларусу – любоў, падтрымка і перамога!

Далучайцеся да нашых суполак у Facebook ды Instagram.

Дзе мы разам – там і Беларусь.

Праграму «Беларус беларусу» глядзіце на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн, на YouTube-канале «Белсат Life» або ў закладцы «Праграмы» на нашай старонцы.

З вамі праект «Беларус – беларусу». Праграма, якая сведчыць пра тое, што беларускую салідарнасць немагчыма знішчыць. Калі вы хочаце падтрымаць нашых сённяшніх герояў, публічна або ананімна, з любога пункту свету лістуйце да нас: belarus2belarus@gmail.com.

I памятайце: беларус беларусу – любоў, падтрымка і перамога!

Далучайцеся да нашых суполак у Facebook ды Instagram.

Дзе мы разам – там і Беларусь.

Праграму «Беларус беларусу» глядзіце на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн, на YouTube-канале «Белсат Life» або ў закладцы «Праграмы» на нашай старонцы.