Колькі каштуюць выступы беларускіх праўладных «зорак»

Твар беларускага шоу-бізнесу пасля выбараў 2020 году істотна змяніўся. На першы план выйшлі артысты без гучных імёнаў, затое з праўладнай пазіцыяй. Як змяніліся іхныя ганарары ў сувязі з павышэннем статусу? Хто самы дарагі артыст на беларускай эстрадзе? Колькі каштуюць выступы расейскіх артыстаў на беларускіх мерапрыемствах ды хто за гэта плаціць – у праграме «Шчыры кажучы» з Арынаю Маліноўскай.

Праз інсайдараў аўтары праграмы атрымалі прайс на прыватныя выступы артыстаў, якія не асудзілі паслявыбарчы гвалт у краіне. Напрыклад, за паўтары тысячы беларускіх рублёў спявае Ірына Дарафеева. Столькі ж каштуюць выступы Жанет і гурта «Чараўніцы» і «Галасоў ЗМеста». Самы танны з іх – Аляксандр Саладуха. З ім можна дамовіцца на адну тысячу рублёў. А вось гурт «Дразды» возьме 15 тысячаў. За гэтую суму выступіць саліст Віталь Карпанаў, яго калектыў з пяці чалавек. На свае канцэрты гурт прыязджае са сваім музычным абсталяваннем.

Расейцам, якія выступаюць на праўладных канцэртах у Беларусі, плацяць у разы больш, распавядае Вольга Працкевіч, якая раней працавала ў «Менскканцэрце». Напрыклад, Мікалаю Баскаву, які выступіў на жаночым форуме, заплацілі 5 тысяч долараў.

Вольга Працкевіч, былая юрыстка “Менскканцэрту”. Стоп-кадр з праграмы “Шчыра кажучы”

«Высветлілася, што праз бухгалтэрыю Баскаў нідзе не праходзіў. […] Мне сказалі, што аплочваў яму БРСМ. Гэта грошы ўзносаў брсмшчыкаў. […] Такое выкарыстоўвалі, калі трэба было для мерапрыемства з удзелам кіраўніка дзяржавы выклікаць якога-небудзь расейскага артыста […]. Нельга за кошт бюджэту артысту столькі заплаціць, няма такой градацыі, а за тры капейкі яны да нас не паедуць», – распавядае Вольга Працкевіч.

Самым дарагім артыстам на беларускай эстрадзе былая супрацоўніца «Менскканцэрту» назвала Анатоля Ярмоленку. А вось выступ сёстраў Груздзевых, якія так заўзята выступалі ў падтрыманне Аляксандра Лукашэнкі, паводле Вольгі Працкевіч, каштуе вельмі нядорага:

«Яны вельмі вельмі дакучліва прапаноўвалі свае паслугі, але іх не хацелі браць. Пры тым яны поўнасцю лаяльныя, але настолькі не цікавыя, што не цікавыя нават у Мінгарвыканкаме».

Як арганізуюць і колькі каштуюць мерапрыемствы, у якіх удзельнічае Аляксандр Лукашэнка? Чаму беларусы не могуць самастойна зрабіць «Ікс-фактар» і запрасілі дзеля гэтага ўкраінцаў? Якая розніца паміж чорнымі спісамі артыстаў у 2004 і 2020 годзе – распавядае Лявон Вольскі ў праграме «Шчыра кажучы».

Праграма «Шчыра кажучы» выходзіць штосераду а 19:05 у эфіры «Белсату», а таксама на нашым канале YouTube-канале.

Калаж з фота: onilener.by, афіцыйная старонка ансамбля “Сябры” на Facebook, udf.by

 

 

Падпісвайся на telegram Белсату

Больш матэрыялаў

«Памірайце там і не вяртайцеся». Як беларускія сілавікі катуюць мігрантаў

Узровень адукацыі ў школах падымуць… ваенрукі?

Інсайдары кажуць пра ўзаемныя даносы чыноўнікаў

Што цяпер адбываецца на заводах – сведчанні інсайдараў

Да чаго можа давесці Беларусь масавы ад’езд высакакласных спецыялістаў

Ці могуць беларусы паўтарыць учынак Андрэя Зельцара? Адказваюць псіхолагі

Калі дзеянне санкцыяў Еўразвязу будзе больш адчувальным для Беларусі?

Ці магчымы ў Беларусі эканамічны поспех Сінгапуру?