Кім быў Міхаіл Падаляк у часы сваёй працы ў Беларусі? Як беларусам і ўкраінцам паразумецца? Чаму Пуцін навучыўся ў Лукашэнкі? Адказы на гэтыя ды іншыя пытанні шукалі ўдзельнікі чарговага выдання праграмы Змітра Міцкевіча «Без акрэдытацыі».
Таццяна Іванская, журналістка «Белсату»:
- Выказванні Падаляка не паўплываюць на меркаванне ўкраінцаў пра беларусаў.
- Калі забуксавала прасоўванне расейскіх войскаў, Крэмль уключыў на ўсю моц сваю машыну прапаганды.
- Цяпер, падчас вайны, мы бачым, як грамадства фармуе нацыю, яго чуваць гучней.
Надзея Белахвосцік, галоўны рэдактар @Media IQ:
- Варта ацэньваць не толькі асобныя выказванні, а ўсё інтэр’ю цалкам.
- Прапаганда працуе перадусім з эмоцыямі.
- Мы не можам чакаць, што генпракурор Беларусі Швед будзе прытрымлівацца стандартаў журналістыкі і правяраць факты.
Юрый Ліхтаровіч, журналіст беларускай службы «Польскага радыё»:
- Падаляк у Беларусі быў не нацыянальна арыентаваным журналістам, а больш ліберальным, прарасейскім.
- Міхаіл Падаляк у палітыцы не адзін пуд солі з’еў, таму ён нічога не гаворыць проста так.
- Можа, Гайдукевіч-старэйшы проста зашмат свайго сына біў – і таму мы чуем ад яго цяпер такія выказванні?
Аляксей Жукаў, намеснік галоўнага рэдактара @REFORM BY:
- Беларусы больш жывуць чужымі праблемамі, але ёсць уласна беларускія інтарэсы – і іх трэба нейкім чынам акцэнтаваць.
- Сяргей Гайдукевіч набыў франшызу ЛДПР у Жырыноўскага, таму цяпер не адступае ад той самай палітыкі.
- Рэжым Лукашэнкі мэтанакіравана хоча паказаць кіраўнікоў суседніх краінаў як нашчадкаў нацыстаў.
Калаж з фота: president.gov.by
