Блогерка Вольга Такарчук: Калі Ціханоўская спраўляецца, то і ў мяне атрымаецца!

Нашую сённяшнюю гераіню, Вольгу Такарчук, неабыякавую блогерку і актывістку, арыштавалі толькі за тое, што яна выпусціла з балкона чырвоныя шарыкі ды адкрыта выказвала сваю пазіцыю. Вольга атрымала ўжо 4 штрафы, адсядзела на Акрэсціна, а цяпер зазнае пераслед. Але гэта не прымусіла яе замаўчаць.

Вольга Такарчук гадавала дзяцей, пераходзячы з дэкрэту ў дэкрэт, а блогеркаю стала раптоўна, пасля 9-га жніўня, бо не магла мірыцца з беззаконнем, якое адбывалася навокал. Воля паўсур’ёзна-паўжартам кажа, што стала блогеркаю па волі лёсу, як і Святлана Ціханоўская – народнаабранай прэзідэнткай.

Гэта яна, Вольга Такарчук, дала адпор расейскаму прапагандысту Кеасаяну, калі той зневажаў беларусак, якія выступілі супраць гвалту. Гэта яе адкрыў беларускаму свету Руслан Ліннік.

Вольга Такарчук з дзецьмі. Фота: асабісты архіў

Вольга адчувае сваю місію ў тым, каб натхняць, падтрымліваць іншых. Таму нават сродкамі, сабранымі для яе на штрафы, яна дзялілася з пацярпелымі. Вольга «нагуляла» 4 разы па 30 базавых. Агулам на 120 базавых аштрафаваў яе беларускі суд.

Асабліва абсурдным выглядаў штраф за тое, што з уласнага гаўбца яна выпусціла ў паветра чырвоныя балонікі. І нават адсядзеўшы на Акрэсціна, Вольна не апускае рук, бо самае страшнае для яе – гэта не штрафы, не прыніжэнні за кратамі, не катаванні, а тое, што нічога можа не змяніцца ў нашай краіне.

«Калі Ціханоўская спраўляцца, то і я спраўлюся!» – кажа новы твар беларускай салідарнасці і голас сумлення беларускага народу Вольга Такарчук, маці дваіх чароўных дзетак, далікатная жанчына ростам 156 сантыметраў, «створаная для любові», як жартуе яна сама, – грамадзянка, беларуска.

Як падтрымаць Вольгу ў яе дзейнасці, глядзіце ў нашым выданні.

Вольга Такарчук з дзецьмі. Фота: асабісты архіў

Калі сярод вас ёсць тыя, хто хацеў бы падзяліцца сваймі гісторыямі або дапамагчы нашым героям, звяртайце да нас: belarus2belarus@gmail.com І памятайце: беларус беларусу – любоў, падтрыманне і перамога.

І памятайце: беларус беларусу – любоў, падтрыманне і перамога.

 

Больш матэрыялаў

Шмадзетная маці з’ехала за мяжу з-за рэпрэсіяў. Бацька застаўся з пяццю дзецьмі

Беларусы дапамаглі валанцёрцы Чырвонага Крыжа, якая зазнала катаванні на Акрэсціна разам з мужам

Амапавец прыйшоў на суд з мамай. За нібыта абразу супрацоўніка АМАПу рамесніцы далі два гады «хіміі»

Як беларусы дапамаглі сям’і Паўла Спірына

Рэкордным штрафам 180 базавых і ноччу на Акрэсціна пакаралі жыхарку Лебядзінага Веру. Ва ўсім вінаваты коцік!

Валанцёрка Чырвонага Крыжа: «Падцірайцеся майкамі!» – казалі ахоўнікі і ў 6-месцавую камеру з 24 асуджанымі засыпалі хлёрку

Беларусы здзейснілі мару палітычнай блогеркі Вольгі Такарчук, датычна якой распачалі крымінальную справу

Беларусы здзейснілі мару Волі Севярынец