Ці пойдзе «народнае апалчэнне» супраць Лукашэнкі? Навошта лукашысты хочуць быць большымі расейцамі, чым самі расейцы? Чаму АДКБ кінула армянаў?Якім чынам на Расеі адаб’юцца вялікія людскія страты, якія яна нясе ў вайне супраць Украіны?
Адказы на гэтыя ды іншыя пытанні шукалі ўдзельнікі чарговага выдання праграмы Змітра Міцкевіча «Без акрэдытацыі»: прадстаўніца Прэс-клубу Беларусі Ірына Сідорская, журналіст Беларускай службы Польскага радыё Юрый Ліхтаровіч і журналіст «Белсату» Вітаўт Сіўчык.
Некаторыя тэзы з выступаў гасцей:
Вітаўт Сіўчык
- Трэба памятаць, што полк Каліноўскага заклікаў беларусаў запісвацца ў «народнае апалчэнне», атрымліваць зброю і здабываць вайсковую падрыхтоўку
- Лукашыстаў у Беларусі можна пакараць толькі метадам Андрэя Зэльцара
- У Расеі няма грамадзянаў, ёсць толькі падданыя цара
Ірына Сідорская
- Можна заклікаць толькі да таго, што ты сам будзеш рабіць
- У Расеі і так вялікія праблемы з дэмаграфіяй, а цяпер гіне шмат маладых мужчынаў, таму ў перспектыве там будзе вялікі дэмаграфічны крызіс
- Беларусь жыве ў расейскай інфармацыйнай прасторы, з тэлевізара гучаць тыя самыя заклікі, што і ў Расеі
Юрый Ліхтаровіч
- Лукашэнка сам баіцца ўзброіць сваіх ябацек, таму рэальнай зброі ім не дадуць
- Заявы пра польскіх наймітаў і амерыканскіх жаўнераў, якія ваююць ва Украіне, – падрыхтоўка расейскай публікі да паразы ў вайне
- Прапаганда Крамля і лукашыстаў – прапаганда двоечнікаў, якая не будзе мець эфекту
Поўную версію дыскусіі глядзіце ў праграме «Без акрэдытацыі».
Belsat.eu