Ці гатовыя дэмакратычныя сілы перахапіць уладу, калі Лукашэнкаў рэжым рухне ад цяжару вайны? Наколькі верагодны гэткі сцэнарый – і што чакае беларусаў у пераходны перыяд? Гэта абмеркавалі эксперты ў ток-шоу «План:Б».
У праграме бяруць удзел Аляксандр Дабравольскі, дарадца Святланы Ціханоўскай ва ўнутранай палітыцы, Андрэй Казакевіч, дарэктар Інстытуту палітычных даследаванняў «Палітычная сфера», Павел Мацукевіч, старшы даследчык «Цэнтру новых ідэяў» і актывіст Ілля Данілаў. Таксама мы перадалі зварот Зянона Пазняка да беларусаў.
Вайна ва Украіне, нягледзячы на трагізм сітуацыі, – гэта шанец для Беларусі пазбавіцца дыктатуры і аднавіць суверэнітэт. Але тое можа дорага каштаваць беларусам.
«Нам яшчэ прыйдзецца змагацца за сваю незалежнасць, усё яшчэ наперадзе, і ўсё будзе вельмі складана. Значна больш складана, чым у 2020 годзе, – мяркуе Аляксандр Дабравольскі. – Наўрад ці нам нехта падорыць такі шанец на незалежнасць, які быў у 1991 годзе, без вялікага напружання і вялікай барацьбы».
Апазіцыя рыхтуецца да таго, што акно магчымасцяў пасля падзення рэжыму можа заставацца адкрытым вельмі нядоўга, таму ўжо сёння прадумвае крокі, як эфектыўна скарыстацца сітуацыяй. Якімі ж будуць гэтыя крокі? З чаго пачне працу новы ўрад, і як гэта адаб’ецца на звычайных беларусах? І ці ёсць надзея на мірную перадачу ўлады ад Лукашэнкі да дэмакратычных сілаў?
Таксама ў праграме:
- Фінал Лукашэнкі. Якія разглядаюцца сцэнары адыходу ўзурпатара ад улады?
- Дыялог паміж дэмакратычнымі сіламі і прадстаўнікамі рэжыму Лукашэнкі. Пры якіх умовах ён магчымы?
- Люстрацыя. Што рабіць пасля краху рэжыму з сілавікамі і чыноўнікамі, якія прэсавалі ўласны народ?
- Раскол сярод беларусаў. Наколькі падзеленыя сёння беларусы, ці можна пераадолець раскол грамадства?
Глядзіце ток-шоу «План Б» на YouTube-канале «Белсат News», у дадатку «Belsat Smart» для тэлевізараў з функцыяй «Smart», на мабільных прыладах з сістэмамі iOS і «Android», a таксама ў эфіры «Белсату».
Калаж з фота: president.gov.by
