Жыццё за кратамі: як выжыць у турме

Як за кратамі адносяцца да палітычных зняволеных? Якім чынам улады спрабуюць ціснуць на зэкаў і як яны з гэтым спраўляюцца? Што прыдумваюць зняволеныя, каб выжыць у калоніях? Даведаемся ў праграме «Шчыра кажучы».

Паводле міжнароднай базы «World Prison Brief», Беларусь трапіла ў еўрапейскія лідары паводле колькасці зняволеных, заняўшы ў сусветным рэйтынгу 21-е месца з 223-х. Але гэта без уліку тых, хто трапіў за краты пасля прэзідэнцкіх выбараў.

Як змянілася гэтая статыстыка пасля апошніх палітычных падзеяў у краіне, можна толькі здагадвацца. Між тым, у беларускім Крымінальным кодэксе няма палітычных артыкулаў. Але праваабаронцы на гэты момант прызналі палітычнымі вязнямі каля 300 асобаў.Чаго не варта рабіць за кратамі, каб не трапіць у паніжаны статус?

«Трэба пазбягаць усялякіх аповедаў пра сябе, пра сваё асабістае сексуальнае жыццё, бо гэта нікога не датычыць. Па-другое, нельга прыбірацца. Прыбіраць на зоне нельга. Нельга мыць парашу, нельга браць чужыя рэчы, нельга працаваць на адміністрацыю, нельга лаяцца матам, бо ў любым грамадстве матам нельга лаяцца. Цябе проста пацягнуць за словы – і ўсё», – адзначае былы вязень.

Калі падаецца, што ў Беларусі сядзяць толькі мужчыны, то гэта не так. Нашая краіна займае першае месца ў Еўропе паводле колькасці зняволеных жанчын. Паводле міжнароднай базы «World Prison Brief», ад усіх зняволеных у Беларусі гэты паказнік складае амаль 11 %.

«Лічу, што жанчын у турме наагул няма. Ты больш не адчуваеш сябе жанчынаю. Бо ты разгружаеш машыну, пастаянна носіш нейкія цяжкія рэчы. Ты не можаш нармальна памыцца, увесь час дрэнна выглядаеш. Мне вельмі пашанцавала: я была ў атрадзе, дзе быў спецыяльны адбор. Так, нават такое ёсць. Туды сялілі выключна нармальных, адэкватных, якія вялі да гэтага нармальны лад жыцця», – расказвае Юлія Трубаноўская, якая сядзела за разбой.

Кіраўнік Цэнтру сацыяльных і эканамічных даследаванняў «CASE Belarus» Серж Наўродскі раней заяўляў, што, паводле ягоных падлікаў, у Беларусі сярэдні тэрмін утрымання пад вартаю складае болей за 6 гадоў, а дзяржаве ўтрыманне ўсіх зняволеных за год абыходзіцца ў $ 40–50 мільёнаў.

Таксама ў праграме «Шчыра кажучы»:

  • З кіберзлачынца – у папулярныя блогеры.
  • Толькі беларуская пенітэнцыярная сістэма нялюдская?
  • Як работнікі месцаў зняволення пераймаюць звычкі зэкаў.

Belsat.eu

Больш матэрыялаў

«Занадта вялікі кошт за размаляваныя шчыты АМАПу»

Каму ідзе дапамога фондаў?

Як Дзень Волі можа выратаваць ад прыходу «русcкого мира»

Гумарам па дыктатуры: «У Беларусі пераможа смехавая рэвалюцыя»

«Прававы дэфолт азначае, што закон нас не абараняе». Як Лукашэнка знішчае ІТ-краіну

Горад сонца: як прыбліжаныя да Лукашэнкі бізнесоўцы мяняюць ландшафт сталіцы

«Geely» – ламачча ці беларуска-кітайскі прарыў?

Dolce i начосы. Жанчыны ва ўладзе