«Той, хто мяне дапытваў, быў маім аднакласнікам». Як беларуска змагалася за выбары
Ірына марыла стаць настаўніцай, але мары не ўдалося здзейсніць праз чырвоны колер валасоў, далей яна брала ўдзел у пратэстах 2020-га, за што зазнала крымінальны пераслед. Больш падрабязна – у праграме «Беларускі свет»:
Сваю першую позву ў Следчы камітэт Ірына атрымала проста ў рукі, пасля таго як трапіла на відэа з акцыі пратэсту. Ад крымінальнай справы за ўдзел у масавых закалотах давялося ўцякаць у Нідэрланды. Цяпер беларуска жыве ў лагеры для ўцекачоў у Амстэрдаме:
«Па працэдуры я трапіла ў свой лагер. У сталоўні ў любы момант можна папіць каву, гарбату. Поўнае забеспячэнне і клопат. Без агрэсіі, ніхто не будзе казаць, што ты просіш. Усё вельмі проста, з суперажываннем. Маем клінінгавыя кампаніі, якая пярэ рэчы. Медычны цэнтр. Я маю ўласны кантэйнер, дзе трымаю інвентар, каб праводзіць аэробіку для жыхароў лагеру. Калі мая працэдура будзе станоўчаю, то я атрымаю жытло, права на працы ды сацыяльны пакет. Чужая краіна дае больш, як неабходна».
Здымачнай групе «Беларускага свету» удалося туды зазірнуць.
Таксама ў праграме «Беларускі свет»:
- Беларусы ў Грузіі будуюць уласную інфраструктуру
- Вакалістка, музыка гуртоў «Kriwi», «Harotnica mix» прэзентуе беларускія абрады за мяжою
Праграму «Беларускі свет» глядзіце праз спадарожнік «Астра 4A» (ранейшая назва «Sirius 4»), онлайн, у архіве на нашай старонцы або на YouTube.
