Стварэнне Лукашэнкам фэйкавай прарасейскай партыі, чарговая атака рэжыму на палякаў і пралёт ябацек міма Еўрабачання – такія тэмы абмяркоўваліся ў сённяшнім выданні праграмы Змітра Міцкевіча «Без акрэдытацыі».
- Ці купіцца Пуцін на лялечную партыю пад кантролем КДБ?
- Нашто лукашысты развязалі з Польшчай вайну да апошняга дыпламата?
- Хто сапраўдны адрасат песні «Саня останется с нами»?
На гэтыя ды іншыя пытанні разам са Змітром Міцкевічам шукалі адказы музыка гурта «Shuma» Марына Шукюрава (Руся), журналіст і грамадскі актывіст Анджэй Пачобут, а таксама старшыня руху «За Свабоду» Юрый Губарэвіч.
Асноўныя тэзісы экспертаў
Марына Шукюрава (Руся):
«Цяпер хто лепей ліжа дупу, той і едзе на Еўрабачанне».
«У рэжыму – праблемы з галавой, адукацыяй і эстэтыкай жыцця».
«Дом Лукашэнкі выглядае як вясковая рэстарацыя пры дарозе».
Анджэй Пачобут:
«Лукашэнка гуляе на апярэджанне і сам стварае прарасейскую партыю, якую кантралююць яго службы».
«У Беларусі мы маем дачыненне з «зялёнымі чалавечкамі», толькі ў іншай форме».
«Лукашэнку патрэбны знешні вораг».
Юрый Губарэвіч:
«З любога «далдуна» можна раскруціць перспектыўнага палітыка, калі ў гэта добра ўкладвацца».
«З сістэмы Лукашэнкі пасыплюцца элементы, якія адкрыта пяройдуць на бок расейскіх сілаў».
«Дзяржаўныя ідэолагі пляскаюць у ладкі дэградацыі краіны».
Цалкам дыскусію ў праграме «Без акрэдытацыі» вы можаце паглядзець на YouTube.
