Крамлёўская прапаганда спрабавала ўбіць клін паміж беларусамі і ўкраінцамі. Што гэтаму перашкодзіла – і як не паддавацца на правакацыі рэжымаў Лукашэнкі і Пуціна, распавёў блогер Тутэйшы Шляхціч.
«Тутэйшы Шляхціч» – назва YouTube-каналу Усяслава Пашкевіча, на якім ён папулярызуе беларускую культуру, гісторыю і мову.
Беларускамоўным Усяслаў зрабіўся, калі вучыўся ва ўніверсітэце. Пры гэтым ён пераадолеў супраціў уласнага бацькі, які спярша прасіў звяртацца да яго толькі па-расейску, а пазней сам пачаў выкарыстоўваць беларускія словы.
Пасля ўварвання расейскіх войскаў ва Украіну 24 лютага 2022 года Усяслаў заўважыў, як шмат беларусаў адчуваюць віну за тое, што Беларусь зрабілася краінаю-агрэсарам. Дайшло да публічнага спальвання беларускага пашпарта. Гэта вельмі зачапіла Усяслава, і ён вырашыў дзейнічаць.
Каму з беларусаў, на думку Усяслава, няма чаго саромецца? Якія фэйкі прыдумаў вораг, каб пасварыць беларусаў і ўкраінцаў? Якую ролю адыграла 100-годдзе БНР у жыцці Усяслава? Як перайсці на беларускую мову, калі атачэнне гэтаму не спрыяе? Што беларусы маюць пераняць ад палякаў?
У граматычнай частцы разбіраемся, як правільна ўжываць словы свет і мір.
Адмысловы = спецыяльны
Зварот – рас. обращение
Іншаземцы = замежнікі
Лётнішча = аэрадром
Хваля – рас. волна
Сорамна – рас. стыдно
Годны – рас. достойный
Ніц = долу, на зямлю
Далучыцца – рас. присоединиться
Нагода – рас. повод
Прыгнёт – рас. притеснение
Блытаніна – рас. путаница
Размяжоўваць – рас. разграничивать
Карны – рас. карательный
Знішчаць – рас. уничтожать
Адсотак = працэнт
Належаць – рас. принадлежать
Бракаваць = не хапаць
Наўмысна = спецыяльна
Свядомы – рас. сознательный
Захапляцца – рас. восхищаться
Гаўбец = балкон
Шанаваць – рас. дорожить, почитать
Паўплываць – рас. повлиять
Шчыльна – рас. плотно
Сядзіба – рас. поместье
Лёс – рас. судьба
Ахвяраваць – рас. пожертвовать
Лунаць – рас. реять
Выпадкова – рас. случайно
Лагодна = мірна, спакойна
Прызвычаіцца = прывыкнуць
Крыніца – рас. источник
Натхніць – рас. вдохновить
Варожа – рас. враждебно
Транты – рас. тряпье
Хлусня – рас. обман
Разважаць – рас. размышлять
Вызначыць – рас. определить
Падкрэсліць – рас. подчеркнуть
Як мага больш – рас. как можно больше
Адукацыйную праграму «Мова Нанова» глядзіце кожную нядзелю а 20:20 на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн або ў закладцы «Праграмы» на нашай старонцы.
Калаж з фота: president.gov.by
