Сённяшні госць «Размовы» – філосаф Павел Баркоўскі. У сваіх сацыяльных сетках ён піша хроніку беларускай вайны. Калі гэта вайна, то каго з кім? Дабра са злом? Мінулага з будучыняй? Што адбываецца з беларусамі, якія вось ужо год збіваюць, катуюць і рэпрэсуюць сваіх жа суграмадзянаў? На гэтыя ды іншыя пытанні Павел Баркоўскі адказваў Віталю Цыганкову.
Некаторыя думкі, агучаныя Паўлам Баркоўскім падчас размовы:
- У нашай краіне ідзе вайна паміж рознымі тыпамі грамадства.
- Цяпер у Беларусі ажываюць біблійныя гісторыі, адбываецца класічнае супрацьстаянне дабра і зла.
- Каштоўнасці кіраўніцтва Беларусі не адпавядаюць часу, інфармацыйнай эры.
- З аднаго боку ў Беларусі IT-спецыяліст – прадстаўнік новай прафесіі, а супраць яго – сілавік, прадстаўнік адной з найстарэйшых прафесіяў, абаронца ўладаў.
- На зло не адказваюць дабром, на зло адказваюць справядлівасцю.
- Нягледзячы на жахі вайны трэба заставацца людзьмі.
Размову цалкам глядзіце на YouTube-канале «Belsat news».
Калаж з фота: Facebook pavel.barkouski, Natalia Fedosenko/TASS