Вайна з фіранкамі і шкарпэткамі была б смешнаю, калі б ахвярамі ў ёй не былі рэальныя людзі.
Складваецца ўражанне, што ўлады пачалі спаборніцтвы на званне чэмпіёна па абсурдзе. Над тэмаю разважаюць публіцыст Севярын Квяткоўскі і вядоўца «Размовы» Віталь Цыганкоў.
«Мы ўражваемся, але калі паглядзець на карціну цалкам, то абсурду ўсё роўна не так шмат. Ва ўлады ў прынцыпе не так шмат гэтых карных рэсурсаў. І ўнутры гэтай сістэмы карысных ідыётаў таксама не так шмат. Ім усё дазволілі, але дазволам гэтым карыстаецца, мне здаецца, усё ж такі меншасць людзей у пагонах», – выказаўся госць студыі.
Севярын Квяткоўскі дадае: калі глядзець на карціну беларускіх падзеяў цалкам, то стане відавочным, што абсурдных абвінавачанняў не так шмат, а пагрозы пакараць усіх пратэстоўцаў цягам дзесяці месяцаў так і не здзейсніліся.
Падрабязней пра абсурд і пратэсты – у гутарцы Віталя Цыганкова і публіцыста Севярына Квяткоўскага.
Спецыяльна для тых, каму зручней слухаць, а не глядзець, «Размова» запусціла падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас:
Праграма «Размова» выходзіць на «Белсаце» з панядзелка да чацвярга а 21:20. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.
А таксама падпісвайцеся на «Размову» ў Facebook, ВКонтакте, «Одноклассниках», Twitter, Instagram і Telegram.
Калаж з фота: стоп-кадр з праграмы «Размова», gomel.today
