Былы сілавік падпаліў дом дэпутата Алега Гайдукевіча?

У верасні 2021 года КДБ паведаміла пра затрыманне сям’і Вайцяховічаў, якая нібыта за «заходнія грошы» планавала «тэрарыстычныя атакі». Іх суседка звярнулася да нас з просьбаю дапамагчы заарыштаваным, Уладзіславу Вайцяховічу, ягонай жонцы Анастасіі ды ягоным бацькам, Віталію і Вользе Вайцяховіч.

З намі пагадзілася сустрэцца сяброўка сям’і, Ірына. Нягледзячы на небяспеку. Ёй важна, каб захавалася годнае імя ейных сяброў, каб беларусы ведалі праўду.

«Воля і Віталік… Яны вельмі актыўна ўдзельнічалі ў жыцці дзяцей. То бок яны – супербацькі. І наогул суперлюдзі. Я не ведаю ніводнай асобы, якая б сказала пра іх нешта дрэннае», – кажа Ірына.

Вайцэховічы перасталі выходзіць на сувязь у жніўні. У верасні выйшла праграма на СТВ, паводле каторай яны былі затрыманыя ў сувязі з тэрарыстычным актам у справе Гайдукевіча.

Ад Аўтуховіча да Зельцара: каго рэжым Лукашэнкі лічыць «тэрарыстамі»

Улад служыў ва ўнутраных войсках. Ірына кажа, што ён звольніўся, бо не збіраўся разганяць пратэсты 9–11 жніўня. Таму спярша яна падумала, што затрыманне – гэта помста. Тым больш, што яшчэ некалькі асобаў, абвешчаныя тэрарыстамі, таксама былыя сілавікі.

«Ці мала людзей там у вас пра нас ведае? Настрой добры. Тэрмін, што свеціць, не вельмі добры. Вы пішыце, якія там навіны і г. д. А то я тут без тэлевізара. Наогул не ведаю, што там у свеце адбываецца. Пішыце што заўгодна – усё цікава! Дзякуй вялікі за лісты, вельмі прыемна! Усім ад мяне прывітанне!!! Усё пройдзе, і гэта – таксама!» – піша Улад у лісце з турмы.

«Механізмы рэпрэсіяў за думкі». Што стаіць за праўкамі ў закон аб смяротным пакаранні за спробу тэрарызму

Ірына заклікае пісаць лісты Вайцэховічам, распавесці іхную гісторыю, каб не даць рэжыму незаўважна расправіцца з вязнямі.

У «Валадарку»:

  • СІЗА №1, вул. Валадарскага, 2, 220030, г. Менск
  • Вольга Вайцяховіч

На Галоўпаштамт:

  • Галоўпаштамт, а/с 8, 220050, г. Менск
  • Анастасія Вайцяховіч
  • Уладзіслаў Вайцяховіч
  • Віталій Вайцяховіч

Любая дапамога, любая падтрымка вітаецца! Калі мы ствараем маленькія цуды адно для аднаго, мы ствараем вялікі цуд для нашай будучай вольнай Беларусі. Памятайце пра гэта. Беларус беларусу – любоў, падтрымка і перамога. Дзе мы разам – там і Беларусь.

З вамі праект «Беларус – беларусу». Праграма, якая сведчыць пра тое, што беларускую салідарнасць немагчыма знішчыць. Калі вы хочаце падтрымаць нашых сённяшніх герояў, публічна або ананімна, з любога пункту свету лістуйце да нас: belarus2belarus@gmail.com.

Далучайцеся да нашых суполак у Facebook ды Instagram.

Праграму «Беларус беларусу» глядзіце кожную пятніцу а 18:30 на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн, на YouTube-канале «Белсат Life» або ў закладцы «Праграмы» на нашай старонцы.

Падпісвайся на telegram Белсату

Больш матэрыялаў

Легендарны «Жывемабіль» ператварыўся ў «Славамабіль»

Бацька адмовіўся ад сына-палітвязня

Беларуска змагла параўнаць сілавікоў Лукашэнкі і салдатаў Пуціна

«Я засынала з думкай, што зараз да нас уварвуцца амапаўцы», – удзельніца агульнанацыянальнага страйку

Сілавікі выгналі з Беларусі шматдзетную маці, бо яна насіла перадачкі палітвязням

Той самы Сярога, які выправіў паламанае АМАПам. Ціханоўская падзякавала яму на ўвесь свет

Беларусы не далі дзяржаве забраць дзяцей палітвязняў Лаптановічаў

Дзе беларускім і ўкраінскім творцам ратавацца ад Пуціна і Лукашэнкі?