Гумарам па дыктатуры: «У Беларусі пераможа смехавая рэвалюцыя»

З чаго смяюцца прыхільнікі пераменаў, а з чаго – іхныя апаненты? Як памяняўся камічны стэндап пад уплывам палітычнага крызісу і якія новыя анекдоты ўвайшлі ў паўсядзённае жыццё беларусаў? Пра палітычны ды рэвалюцыйны гумар даведаемся ў праграме «Шчыра кажучы».

Пасля 16 жніўня, з пачаткам самых масавых пратэстаў у гісторыі Беларусі, народны гумар выліўся на шматлікія крэатыўныя плакаты. Сярод іх – мэмы з адсылкай да Гаагскага трыбуналу, супрацьпастаўленне Лукашэнкі і Ціханоўскай на полі мужнасці.

Намёкі на меркавана нізкі рэйтынг Лукашэнкі і ягоны доўгі тэрмін на пасадзе. Абыгрывалі тое, што ўлады адарваныя ад рэчаіснасці. Ставілі пад пытанне сумленнасць вынікаў выбараў і адэкватнасць Аляксандра Лукашэнкі. Агульны настрой, які выражаўся ў плакатах і мэмах праціўнікаў улады мінулым летам, – вера ў перамогу.

Праўладныя гумарысты высмейвалі тое, як пратэстоўцы і страйкоўцы прыйдуць прасіцца назад на працу. Палітолаг Уладзімір Падгол адзначае гумарыстычныя здольнасці Аляксандра Лукашэнкі.

«Самы галоўны гумарыст – гэта Лукашэнка. Тут пытанняў няма. Без маральных межаў. Ну, гумар жа бывае земскі, а бывае, вось як ён прыдумаў «пратэстуны», – прыніжальны. «Народзец», «пабег валюту абменьваць». Потым ён лічыў гумарам тэхналогію расчалавечвання. «Я да гэтых пеўняў у парламент не пайду! Сабраліся, як свінні вакол кармушкі (дэпутаты) і рохкаюць». Я лічу, што ў пратэсце ў Беларусі пераможа не вуліца, у Беларусі пераможа смехавая рэвалюцыя».

Палітолаг мяркуе, што адна з галоўных крыўдаў Лукашэнкі на Сяргея Ціханоўскага – у тым, што той скарыстаўся супраць Лукашэнкі яго ўласнымі тэхналогіямі гумару.

«Атаясамліванне Лукашэнкі з прусаком і вось гэты тапак, якім яго трэба біць – сімвал. Гэта прафесійна было зроблена Ціханоўскім. Што яшчэ. Ну, Маргарыта Ляўчук – гэта асобная гісторыя, гэта геніяльная жанчына, калі яна будзе развіваць свой талент», – дадае Уладзімір Падгол.

Оперная спявачка Маргарыта Ляўчук стварыла ў Літве гумарыстычны дуэт з блогерам Андрэем Павуком.

Таксама ў праграме «Шчыра кажучы»:

  • Беларускі «Камэдзі клаб» з’явіўся раней часу?
  • Анекдоты і палітычныя прагнозы ад тэлевізійнага вядоўцы Яўгена Крыжаноўскага.
  • Уласная творчасць ці дзяржзамова – песні гурта «Галасы ЗМеста»?

Калаж з фота: Mikhail Metzel/TASS/ Forum

Belsat.eu

 

Больш матэрыялаў

«Занадта вялікі кошт за размаляваныя шчыты АМАПу»

Каму ідзе дапамога фондаў?

Як Дзень Волі можа выратаваць ад прыходу «русcкого мира»

Жыццё за кратамі: як выжыць у турме

«Прававы дэфолт азначае, што закон нас не абараняе». Як Лукашэнка знішчае ІТ-краіну

Горад сонца: як прыбліжаныя да Лукашэнкі бізнесоўцы мяняюць ландшафт сталіцы

«Geely» – ламачча ці беларуска-кітайскі прарыў?

Dolce i начосы. Жанчыны ва ўладзе