Чаго ва Украіне чакалі ад размовы прэзідэнтаў ЗША і Расеі? Наколькі сур’ёзна ў Кіеве ўспрымаюць ваяўнічыя дзеянні Расеі і канцэнтрацыю яе войскаў каля ўкраінскае мяжы? Ці верыць Украіна ў магчымасць ваеннай агрэсіі, ці лічыць імаверным варыянт агрэсіі расейскіх войскаў сярод іншага з тэрыторыі Беларусі? Пра гэта ды іншае пагаворым з сённяшнім госцем. З Кіева – дырэктар Інстытуту ўсясветнай палітыкі Яўген Магда.
Некаторыя думкі, якія агучыў Яўген Магда ў часе «Размовы»:
- Украіна хацела б, каб свет згадаў, што вайна Расеі супраць Украіны ідзе ўжо восьмы год – і нельга дамаўляцца з Крамлём за кошт Украіны.
- Джо Байдэн не можа сабе дазволіць новай замежнай паразы пасля выхаду з Афганістану.
- ЗША і іншыя краіны Захаду не будуць удзельнічаць у непасрэднай абароне Украіны.
- Украінская армія не толькі прафесійная і шматлікая, але яшчэ і народная.
- Расея хоча пераканаць Захад, каб ён націснуў на Украіну і прымусіў яе капітуляваць.
- Акупацыя Украіны – фантастычны сцэнар, Расея хоча пазбавіць Украіну замежнапалітычнай суб’ектнасці.
- Пуцін грае ролю Гітлера і хоча, каб Байдэн і Джонсан адыгралі ролі Чэймбэрлена і Даляд’е.
- Краіны NATO не будуць ваяваць за Украіну, але і здаць Украіну для NATO будзе знакам бездапаможнасці.