Каліновец пра баі за Херсон, палонных расейцаў і загінулых пабрацімаў

Герой чарговага выдання «Ваяроў» – каліновец Аўгуст, актыўны ўдзельнік пратэстаў 2020 года ў Беларусі. Цяпер ён абараняе Украіну і адказвае за выведку ў палку Каліноўскага.

Аўгуст у 2020 годзе быў двойчы затрыманы ў Беларусі. Першы раз – за акцыі салідарнасці на 10 содняў, другі – падчас сутычак з міліцыяй у ноч з 10 на 11 жніўня:

«Мяне моцна збілі, і я трапіў у рэанімацыю. Там мне зашылі галаву. І зранку я прачнуўся і проста пайшоў з лякарні. То бок я папярэдзіў дактароў, сказаў: «Прабачце, я тут не магу заставацца, бо мяне арыштуюць». І выйшаў, пайшоў з больніцы ў хірургічным адзенні, такой сукенцы хірургічнай».

На чацвёрты дзень вайны ва Украіне Аўгуст прыехаў у Кіеў, каб далучыцца да беларускіх добраахвотнікаў. Дзеля гэтага яму на сваю рызыку прыйшлося прайсці ўвесь Кіеў і, каб не быць застрэленым на блокпастах, ён загарнуўся ва ўкраінскі сцяг. І гэта сапраўды дапамагло. Апошнія чатыры месяцы Аўгуст працаваў на херсонскім кірунку, некалькі разоў браў удзел у аперацыях штурму ў вёсках Херсонскай вобласці.

Полк Кастуся Каліноўскага ў разуменні Аўгуста – гэта сапраўдны рэзерв беларускай нацыі:

«Калі здарыцца так, што патрэбныя людзі, якія са зброяй у руках змогуць зрабіць штосьці для Беларусі, – яны ўжо ёсць. І яны нацыянальна арыентаваныя, што надзвычай важна, бо раней у Беларусі былі толькі вайскоўцы без нацыянальнай арыентацыі, папросту расейскія найміты, якім скажуць ісці, і яны пойдуць».

Аўгуст таксама распавёў, як ледзь не падарваўся на міне, узгадаў сваіх пабрацімаў – Брэста і Волата.

«Мы зробім усё, каб пасля вызвалення Украіны адбылося вызваленне Беларусі, і шмат хто ў ЗСУ гатовы нам з гэтым дапамагаць», – падсумоўвае «Аўгуст».

Пра працу выведкі палка Кастуся Каліноўскага, падрабязнасці баёў пад Херсонам, а таксама пра тое, як каліноўцы ўзялі ў палон акупантаў, глядзіце ў новым выданні праграмы «Ваяры».

Падпісвайся на telegram Белсату

Больш матэрыялаў

Змагаўся за свабоду Беларусі, загінуў, ратуючы Украіну. Кім быў Васіль Сябро Парфянкоў?

Спікер палка Каліноўскага распавяла пра дзень, калі Беларусь будзе вольнай

Беларускі батальён атрымаў эксклюзіўны мінамёт

Як загінуў камандзір выведкі каліноўцаў

Жыццё на фронце. Каліновец раздае кацянят і шукае сяброўку

Добраахвотнік распавёў пра стан палка Каліноўскага

«У некаторых момантах яны ставяцца да нас, як да нейкіх спецвойскаў». Беларускі ваяр пра службу ва Украіне