Навошта ўвогуле Аляксандр Лукашэнка дае інтэрвʼю сусветным СМІ? Чаму ён за апошнія тыдні змяніў рыторыку, загаварыў пра вайну ва Украіне зусім іншым тонам? Што можа менскі рэжым прапанаваць Захаду і пры якіх умовах Захад можа пайсці насустрач, ці магчыма гэта ўвогуле?
Гэтыя ды іншыя пытанні з Віталём Цыганковым у «Размове» абмяркоўваў аглядальнік праектаў reform.by i iSANS, былы палітвязень Аляксандр Атрошчанкаў.
Пэўныя думкі, выказаныя Аляксандрам Атрошчанкавым у часе «Размовы»:
- Лукашэнку для свайго апраўдання трэба было раней казаць тое, што кажа Ціханоўская.
- Лукашэнка спрабуе вярнуцца ў прамінулую рэальнасць.
- Лукашэнка не разумее, што ён на тым баку, які мусіць перастаць існаваць пасля гэтай вайны.
- Казаць Лукашэнка можа цяпер што заўгодна, але ёсць дзеянні.
- Не трэба раўняць Франка з Лукашэнкам.
- Расея цяпер у больш выгаднай сітуацыі, чым Лукашэнка.
- Цяжка прагназаваць, колькі працягнецца апошняя фаза кіравання Лукашэнкі – яна можа цягнуцца дастаткова доўга.
«Размову» цалкам глядзіце на YouTube-канале «Белсат News».
Калаж з фота: Yuri Smityuk / TASS / Forum; Белсат
