Што рабіць, каб Беларусь не засталася пад расейскім вайсковым ботам і пасля перамогі Украіны? Ці не спрабуюць на Захадзе замесці пад дыван беларускую праблему? Як выглядаюць дачыненні кабінету Святланы Ціханоўскай з украінскімі ўладамі?
Святлана Ціханоўская на Варшаўскім форуме бяспекі заявіла, што «беларусы зноў уключацца ў дыверсіі на чыгунцы і перадаванне інфармацыі ўкраінскай арміі». Такая заява прагучала пасля прызнання Аляксандрам Лукашэнкам удзелу ў вайне Расеі супраць Украіны. Ціханоўская правяла сустрэчы з лідарамі Польшчы, дзе пачаўся працэс фактычнага прызнання ейнага пераходнага кабінету. У апошні дзень візіту ў Варшаву Святлана Ціханоўскую ўступіла ў спрэчку з вядомым амерыканскім журналістам, які вёў дыскусію аб праблемах Беларусі. Больш падрабязна – у рэпартажы Вольгі Міцкевіч.
Святлана Ціханоўская эксклюзіўна для тэлеканалу «Белсат» адказала на пытанне Сяргея Пелясы пра прагрэс у дачыненнях пераходнага кабінету з украінскім урадам.
Галоўны дарадца Святланы Ціханоўскай у інтэрв’ю Сяргею Пелясу распавядае, ці ёсць рызыка, што дзяржавы Еўразвязу перастануць выдаваць беларусам візы. Таксама ў размове пра тое, ці цікавая Беларусь на Захадзе, – пра пачатак прызнання альтэрнатыўнага беларускага ўраду, пра тое, ці ёсць давер у дачыненнях з Украінай. Франак Вячорка лічыць, што варта чакаць сустрэчы Святланы Ціханоўскай з Уладзімірам Зяленскім. Ці запросіць Ціханоўская міратворчую місію ААН у Беларусь, калі тое спатрэбіцца?
Рамзан Кадыраў можа накіраваць сваіх дзяцей на вайну. Кіраўніку акупаванай Ічкерыі сёння спаўняецца 46 гадоў. Уладзімір Пуцін зрабіў яму адмысловы падарунак – надаў званне генерал-палкоўніка. Кадыраў – фігура адыёзная. Усё, чаго ён ні кранецца, ператвараецца ў золата, – не важна, якім коштам. Небывалы талент, зразумела, распаўсюджваецца і на дзяцей Рамзана. Яны добрыя настолькі, што ім прыйшоў час ваяваць ва Украіне, пра гэта нядаўна заявіў сам Кадыраў. Адзін з сыноў зрабіўся пераможцам турніру па боксе, не выйграўшы бою. Як такое можа быць? У сюжэце Надзеі Бельскай.
Ваенная дапамога Літве ад ЗША вырасла да 141 млн долараў, пра гэта 4 кастрычніка заявіла амерыканская амбасада. Пакет дапамогі прызначаны для ўзмацнення стрымлівання і абараназдольнасці літоўскага войска супраць расейскай пагрозы. Таксама гэтыя грошы павінны дапамагчы краіне папоўніць ваенны патэнцыял, якім Вільня падзялілася з Украінаю. Прыблізна такую ж суму ў межах праграмы замежнага вайсковага фінансавання ад ЗША атрымае і Эстонія. Але наколькі высокая пагроза расейскай агрэсіі ў рэгіёне Балтыйскага мора? Як да яе рыхтуюцца ў Таліне, Рызе і Вільні? Далей у сюжэце Святланы Аўчаровай.