Чым беларуская мова палохае расейцаў


Беларуская мова можа выклікаць такі перапалох сярод расейцаў, як выбух бомбы. Гэта ведае Вячаслаў, які валодае 20 мовамі, у тым ліку беларускаю. Праз яе ён перажыў розныя прыгоды, пра якія распавёў праграме «Мова нанова».

Вячаслаў Чэрнеў – паліглот і філолаг. Сярод моваў, на якіх ён можа падтрымаць гутарку, – балгарская, казахская, нямецкая, дацкая, беларуская, французская, крымскататарская, сербская, узбекская і азербайджанская!

Нарадзіўся Вячаслаў у Арэнбургу. Калі зацікавіўся беларускай моваю, то адкрыў, што мае продкаў, якія паходзяць з земляў Вялікага Княства Літоўскага. З таго часу ягонае захапленне беларушчынаю толькі ўзмацнялася.

Прыгоды Вячаслава пачаліся з першай размовы па-беларуску. Адбылася яна, як ні дзіўна, у Турцыі. З таго часу ён прынцыпова гаворыць з беларусамі па-беларуску. І праз гэта часам трапляе ў розныя гісторыі.

Мова Нанова
Чаму туркі – «нашыя хлопцы»? Як турак уратаваў беларуску ад рэпрэсіяў
2021.11.15 18:33

Што было першым штуршком да беларускай мовы? Як Вячаслаў вызначыў, што ягоныя продкі жылі ў ВКЛ? Якое месца займае беларуская мова ў ягоным жыцці? Як расейцы рэагуюць на размову па-беларуску? З якімі мовамі яны блытаюць беларускую? Што найбольш здзівіла Вячаслава ў беларусах?

У граматычнай частцы распавядзем пра адметныя беларускія словы, напрыклад, як па-беларуску называюцца пальцы на назе.

ВІДЭА
Невідушчы хлопец з Расеі размаўляе па-беларуску, як дзеячы БНР
2016.06.02 16:14

Паходзіць – рус. происходить

Шматмоўнае асяроддзе – рус. многоязычное окружение

З татавага боку – рус. с отцовской стороны

Укосны – рус. косвенный

Гаворка – рус. наречие

Праз век – рус. из-за возраста

Рыса – рус. черта

Мае быць – рус. должен быть

Спатканне = сустрэча – рус. встреча

Зазірнуць – рус. заглянуть

Пачуццё – рус. чувство

Ставіцца – рус. относиться

Чымся = чым

Самагубства – рус. самоубийство

Павага = пашана – рус. уважение

Падарожжа – рус. путешествие

Канапа – рус. диван

Пагатоў = тым больш

Дзіўна – рус. странно

Пераважна – рус. преимущество

Кірунак = напрамак – рус. направление

Найбуйнейшы = самы вялікі

Уразіць – рус. впечатлить

Прыдацца = спатрэбіцца – рус. пригодиться

Невідушчы – рус. незрячий

Крый Божа! – рус. Не дай Бог!

Слушна = рэзонна

Пазбавіць – рус. лишить

Скарб – рус. сокровище

Пункт гледжання – рус. точка зрения

Сродак – рус. средство

Светапогляд – рус. мировоззрение

Шануйма = давайце шанаваць – рус. давайте уважать

Зашкодзіць – рус. помешать

Натхненне – рус. вдохновение

Плён – рус. результат

Адукацыйную праграму «Мова Нанова» глядзіце кожную нядзелю а 20:20 на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн або ў закладцы «Праграмы» на нашай старонцы.

Калаж з фота: commons.wikimedia.org